യു.ഡി.എഫ് നേതൃത്വം ഇടപെട്ടു; മാട്ടൂലിൽ സീറ്റ് ധാരണയായിപഴയങ്ങാടി: സീറ്റുകൾ സംബന്ധിച്ച് തർക്കം നിലനിന്ന മാട്ടൂൽ പഞ്ചായത്തിൽ യു.ഡി.എഫ് നേതൃത്വം ഇടപെട്ട് സീറ്റ് ധാരണയായി. മാട്ടൂൽ ഗ്രാമപഞ്ചായത്തിൽ യു.ഡി.എഫ് ഒന്നിച്ച് തെരഞ്ഞെടുപ്പ് നേരിടുകയും എന്നാൽ, നാളിതുവരെയുള്ള എല്ലാ ഭരണ സമിതികളിലും പ്രസിഡൻറ്, വൈസ് പ്രസിഡൻറ് സ്ഥാനങ്ങൾ മുസ്ലിം ലീഗ് തന്നെ സ്വന്തമാക്കുന്നതിനുമെതിരെ കോൺഗ്രസ് രംഗത്ത് വന്നതിനാൽ സഥാനാർഥി നിർണയം അനിശ്ചിതത്വത്തിലായിരുന്നു. അടുത്ത ഭരണസമിതിയിൽവൈസ് പ്രസിഡൻറ് സ്ഥാനം വേണമെന്ന് കോൺഗ്രസിൻെറ ഭാഗത്തുനിന്ന് ശക്തമായ സമ്മർദമുണ്ടായതാണ് സ്ഥാനാർഥി നിർണയം നീണ്ടുപോവുകയും യു.ഡി.എഫിൻെറ ഭദ്രതക്ക് ഭീഷണിയുയരുകയും ചെയ്തത്.തുടർന്ന് മുസ്ലിം ലീഗിൻെറയും കോൺഗ്രസിൻെറയും ജില്ല നേതൃത്വങ്ങൾ ഇടപെട്ട് തെരഞ്ഞെടുപ്പിനുശേഷം ഇവ ചർച്ച ചെയ്ത് പരിഹരിക്കാമെന്ന് ഉറപ്പ് നൽകുകയുമായിരുന്നു. ഇരു കക്ഷികളും മത്സരിക്കേണ്ട വാർഡുകളെ കുറിച്ച് ധാരണയിലെത്തി. 1,3,7,13,15,17 വാർഡുകളിൽ കോൺഗ്രസും 2,4,5,6,8,9,10,11,12,14,16 വാർഡുകളിൽ മുസ്ലിം ലീഗും മത്സരിക്കാനാണ് ധാരണ. എന്നാൽ, ഇവിടെ സ്ഥാനാർഥി നിർണയമായിട്ടില്ല. എൽ.ഡി.എഫും സ്ഥാനാർഥി പട്ടിക പുറത്തിറക്കിയിട്ടില്ല.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.