കാഞ്ഞങ്ങാട്: മാനസിക-ബൗദ്ധിക വെല്ലുവിളികള് നേരിടുന്ന കുട്ടികളുടെ പഠനത്തിനായി ഗ്രാമപഞ്ചായത്തുകള് 28,500 രൂപ വീതം സ്കോളര്ഷിപ് നല്കണമെന്ന സര്ക്കാര് ഉത്തരവ് എല്ലാ ഗ്രാമപഞ്ചായത്തുകളും നടപ്പാക്കണമെന്ന് പേരൻറ്സ് അസോസിയേഷന് ഫോര് ഇൻറലക്ച്വലി ഡിസേബിള്ഡ് (പെയ്ഡ്) സംസ്ഥാന വൈസ് പ്രസിഡൻറ് ടി. മുഹമ്മദ് അസ്ലം ആവശ്യപ്പെട്ടു. തദ്ദേശ സ്ഥാപനങ്ങള് അതത് സ്ഥാപനങ്ങളുടെ പരിധിയിലുള്ള മാനസിക-ബൗദ്ധിക വെല്ലുവിളികള് നേരിടുന്ന കുട്ടികള്ക്ക് ഓരോ വര്ഷവും സ്കോളര്ഷിപ് നല്കണമെന്നുള്ള സര്ക്കാര് തീരുമാനം നിലവിലുണ്ട്. ഇപ്രകാരം നഗരസഭകള് തുകകള് നല്കിയെങ്കിലും ഗ്രാമപഞ്ചായത്തുകള് തുക മുഴുവനായും നല്കുന്നില്ല. ഈ സാഹചര്യത്തിലാണ് ജൂണ് 29ന് പഞ്ചായത്ത് ഡയറക്ടര് പ്രത്യേക ഉത്തരവ് പുറപ്പെടുവിച്ചത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.