തോരാ മഴ; കുട്ടനാട് വെള്ളത്തിൽ കുട്ടനാട്: ചൊവ്വാഴ്ച്ച വൈകിട്ട് മുതൽ നിർത്താതെ പെയ്യുന്ന മഴയിൽ കുട്ടനാട്ടിലെ താഴ്ന്ന പ്രദേശങ്ങളെല്ലാം വെള്ളത്തിനടിയിലായി. കായലിലും ആറുകളിലും അരയടിയോളം വെള്ളമുയർന്നു. ജലനിരപ്പ് അരയടി ഉയർന്നെങ്കിലും ആശങ്കപ്പെടേണ്ട സാഹചര്യമില്ലെന്നാണ് വിലയിരുത്തൽ. രണ്ട് ദിവസം കൂടി മഴ നിർത്താതെ പെയ്താൽ കിഴക്കൻ വെള്ളത്തിൻെറ വരവുണ്ടാകും. കൈനകരി, പുളിങ്കുന്ന്, കാവാലം ഭാഗങ്ങളിലെ വെള്ളക്കെട്ട് ജനജീവിതത്തെ ബാധിച്ചിട്ടുണ്ട്. ഉൾപ്രദേശങ്ങളിലെ ചെറുറോഡുകളിലും വെള്ളക്കെട്ടുണ്ട്. പല റോഡുകളിലും കാന ഇല്ലാത്തതും തടസ്സപ്പെട്ടതും തിരിച്ചടിയായി. മഴ രണ്ട് ദിവസം തുടർന്നാൽ എ.സി റോഡിലെ ചില ഭാഗങ്ങൾ വെള്ളക്കെട്ടിലാകും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.