ചെങ്ങന്നൂർ: കോവിഡ് വ്യാപന ഭീതിക്കിടയിൽ ജീവനക്കാരുടെ സ്നേഹത്തണലിൽ ഉഷക്ക് 108 ആംബുലൻസിൽ സുഖപ്രസവം. കുറ്റൂർ കൂനത്തിനേത്ത് വീട്ടിൽ ബിജുവിൻെറ ഭാര്യ ഉഷയാണ് (32) സുഖപ്രസവത്തിലൂടെ പെൺകുഞ്ഞിന് ജന്മം നൽകിയത്. ചൊവ്വാഴ്ച ഇരുവരും തിരുവല്ല താലൂക്ക് ആശുപത്രിയിലെത്തി. പരിശോധനയിൽ പ്രസവം സങ്കീർണമാണെന്ന് മനസ്സിലാക്കി വിദഗ്ധ ചികിത്സക്കായി കോട്ടയം മെഡിക്കൽ കോളജിലേക്ക് അയച്ചു. തിരുവല്ലയിൽ ആംബുലൻസുകളൊന്നും കിട്ടാനില്ലാത്ത അവസ്ഥയിൽ ചെങ്ങന്നൂർ ജില്ല ആശുപത്രിയിലെ 108 ആംബുലൻസിൻെറ സേവനം തേടുകയായിരുന്നു. ഡ്രൈവർ പിരളശ്ശേരി സ്വദേശി രാഹുലും നഴ്സ് സ്നേഹയും കൂടി ദമ്പതികളെ ആംബുലൻസിൽ കയറ്റി കോട്ടയത്തേക്കുള്ള യാത്രക്കിടയിൽ ചിങ്ങവനത്ത് എത്തിയപ്പോൾ വേദന കലശലായി. വാഹനം റോഡരികിൽ ഒതുക്കി നിർത്തി. സ്നേഹയുടെ പരിചരണത്തിൽ ഉഷ തൻെറ അഞ്ചാമത്തെ കുട്ടിക്ക് ജന്മം നൽകി. തുടർന്ന് കോട്ടയം മെഡിക്കൽ കോളജിലേക്ക് കൊണ്ടുപോയി കോവിഡ് ടെസ്റ്റ് നടത്തി നെഗറ്റിവാണെന്ന് കണ്ടെത്തി. വ്യാഴാഴ്ച ആശുപത്രി വിടും. ചിത്രം: APG50 Ambulance ആംബുലൻസ് ഡ്രൈവർ രാഹുലും നഴ്സ് സ്നേഹയും കുട്ടിയുമായി
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.