കെല്ലിൻെറ പവര്‍ ട്രാന്‍സ്‌ഫോര്‍മര്‍ നിര്‍മാണ പ്ലാൻറ് മുഖ്യമന്ത്രി ഉദ്ഘാടനം ചെയ്യും കൊച്ചി: പൊതുമേഖല സ്ഥാപനമായ കേരള ഇലക്ട്രിക്കല്‍ ആന്‍ഡ് അലൈഡ് എൻജിനീയറിങ് കമ്പനിയുടെ (കെല്‍) മാമലയിലെ പവര്‍ ട്രാന്‍സ്‌ഫോര്‍മര്‍ നിര്‍മാണ യൂനിറ്റ് ഫെബ്രുവരി ഒമ്പതിന് മുഖ്യമന്ത്രി പിണറായി വിജയന്‍ ഉദ്ഘാടനം ചെയ്യും. മാമല യൂനിറ്റില്‍ വ്യവസായ മന്ത്രി ഇ.പി. ജയരാജന്‍ അധ്യക്ഷത വഹിക്കുന്ന ചടങ്ങില്‍ വിഡിയോ കോണ്‍ഫറന്‍സ് വഴിയാണ് മുഖ്യമന്ത്രി ഉദ്ഘാടനം നിര്‍വഹിക്കുക. വൈദ്യുതി മന്ത്രി എം.എം. മണി മുഖ്യാതിഥിയായിരിക്കും. പുതിയ പ്ലാൻറിന് മുന്നിലെ വൈദ്യുതി വാഹന ചാര്‍ജിങ് സ്റ്റേഷൻെറ ഉദ്ഘാടനവും നടക്കും. സംസ്ഥാന സര്‍ക്കാര്‍ അനുവദിച്ച 12.5 കോടി രൂപക്കാണ് പവര്‍ ട്രാന്‍സ്‌ഫോര്‍മര്‍ നിര്‍മാണ പ്ലാൻറ് സ്ഥാപിച്ചത്. 10 എം.വി.എ ശേഷിയുള്ള ട്രാന്‍സ്‌ഫോര്‍മറുകള്‍ നിര്‍മിക്കാനാകുന്നതാണ് ഈ പ്ലാൻെറന്ന് കെല്‍ എം.ഡി കേണല്‍ ഷാജി എം. വര്‍ഗീസ് പറഞ്ഞു. പവര്‍ ട്രാന്‍സ്‌ഫോര്‍മറുകളുടെ പരീക്ഷണനിര്‍മാണം പ്ലാൻറില്‍ വിജയകരമായി നടക്കുന്നുണ്ട്. പ്രതിവര്‍ഷം 1500 എം.വി.എയാണ് നിര്‍മാണശേഷി. വൈദ്യുതി വാഹനങ്ങള്‍ക്കുള്ള ചാര്‍ജിങ് യൂനിറ്റുകൾ നിര്‍മാണം ആരംഭിക്കുന്നതിൻെറ ഭാഗമായാണ് പ്ലാൻറിന് സമീപം കൊച്ചി-ധനുഷ്‌കോടി ദേശീയപാതയില്‍ വൈദ്യുതി വാഹന ചാര്‍ജിങ് സ്റ്റേഷന്‍ സ്ഥാപിച്ചത്. ട്രാന്‍സ്‌ഫോര്‍മറുകളുടെയും മറ്റ് ഊര്‍ജ ഉപകരണങ്ങളുടെയും ഇലക്ട്രോണിക് ഉപകരണങ്ങളുടെയും ടെസ്റ്റിങ്ങിനും സര്‍ട്ടിഫിക്കേഷനുമായി എന്‍.എ.ബി.എൽ അംഗീകൃത ലാബ് സ്ഥാപിക്കാനും പദ്ധതിയുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.