കോഴിക്കോട് : നഗരത്തിൽ യുവതിക്കുനേരെ ആസിഡ് ആക്രമണം. തൊണ്ടയാട് വിജിലൻസ്‌ ഓഫീസിന്‌ സമീപത്ത്‌ വച്ച് പൊറ്റമ്മൽ മദർ ഒപ്റ്റിക്കൽസിലെ ജീവനക്കാരി മൃദുല (22)നേരെയാണ് ആക്രമണം നടന്നത്. സംഭവത്തിൽ മൃദുലയുടെ സുഹൃത്തായിരുന്ന ഇരിക്കൂർ കൊശവൻവയൽസിന്ധു നിവാസിൽ വിഷ്ണു (28) നെ പൊലീസ് കസ്റ്റഡിയിലെടുത്തു.
തൊണ്ടയാടിനു സമീപം വെള്ളിയാഴ്ച രാവിലെ 10.15ഓടെ യാണ് സംഭവം. കണ്ണൂർ നെല്ലിക്കുറ്റി സ്വദേശിയായ യുവതി തൊണ്ടയാട് ഹോസ്റ്റലിലാണ് താമസിക്കുന്നത്. ഇവിടെ നിന്ന് ജോലിസ്ഥലമായ പൊറ്റമ്മലിലേക്ക് പോകും വഴിയാണ് ആക്രമണം നടന്നത്.
പെൺകുട്ടിയുടെ നിലവിളി കേട്ട് ഓടിയെത്തിയ നാട്ടുകാർ ഇവരെ മെഡിക്കൽ കോളജ് ആശുപത്രിയിൽ എത്തിക്കുകയായിരുന്നു. പെൺകുട്ടിയുടെ ദേഹത്തുനിന്ന് പുക ഉയരുന്നുണ്ടായിരുന്നെന്ന് ദൃക്സാക്ഷികൾ പറഞ്ഞു.
അതേസമയം, പെൺകുട്ടിയുടെ ദേഹത്ത് ആസിഡ് ഒഴിച്ച ശേഷം ഓടി രക്ഷപ്പെടാൻ ശ്രമിച്ച പ്രതി വിഷ്ണുവിനെ നാട്ടുകാർ പിടികൂടി മർദിച്ചു. മർദനമേറ്റ് അവശനായ വിഷ്ണുവിനെ മെഡലിക്കൽ കോളജ് പൊലീസ് എത്തി കസ്റ്റഡിയിൽ എടുത്ത് ആശുപത്രിയിൽ പ്രവേശിപ്പിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.