ന്യൂഡൽഹി: ജനശതാബ്ദി ഉൾപ്പടെ കേരളത്തിലൂടെ സർവീസ് നടത്തുന്ന മൂന്ന് സ്പെഷ്യൽ ട്രെയിനുകൾ റദ്ദാക്കി. തിരുവന്തപുരം-കോഴിക്കോട്, കണ്ണൂർ-തിരുവന്തപുരം ജനശതാബ്ദി എക്സ്പ്രസുകളും എറണാകുളം-തിരുവനന്തപുരം എക്സ്പ്രസുമാണ് റദ്ദാക്കിയത്.
ശനിയാഴ്ച മുതൽ ഇൗ ട്രെയിനുകൾ സർവീസ് നടത്തില്ലെന്ന് റെയിൽവേ അറിയിച്ചു. യാത്രക്കാരില്ലാത്തതിനാലാണ് സർവീസുകൾ റദ്ദാക്കുന്നതെന്നാണ് സൂചന. നേരത്തെ കേരളത്തിലൂടെ സർവീസ് നടത്തുന്ന പല ട്രെയിനുകളുടേയും സ്റ്റോപ്പ് റെയിൽവേ റദ്ദാക്കിയിരുന്നു. ലാഭകരമല്ലാത്ത സ്റ്റോപ്പുകളാണ് റദ്ദാക്കിയത്.
കഴിഞ്ഞ ദിവസം ഇന്ത്യൻ റെയിൽവേ പ്രഖ്യാപിച്ച 80 സ്പെഷ്യൽ ട്രെയിനുകളിൽ ഒന്നും പോലും കേരളത്തിലൂടെ സർവീസ് നടത്തുന്നില്ല.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.