െകാച്ചി: വാളയാറിൽ പീഡനത്തിനിരയായ സഹോദരിമാരായ രണ്ട് ദലിത് പെൺകുട്ടികളെ മരിച്ചനിലയിൽ കണ്ട സംഭവത്തിലെ പ്രതിക ളെ വെറുതെവിട്ടതിനെതിരെ മാതാവ് നൽകിയ അപ്പീൽ ഹരജിയിൽ നാല് പ്രതികൾക്ക് ഹൈകോടതി നോട്ടീസ് ഉത്തരവായി. പ്രതികളുടെ പീഡനം സഹിക്കാനാവാതെ ഒമ്പതും 13ഉം വയസ്സുള്ള സഹോദരിമാർ ആത്മഹത്യ ചെയ്തെന്ന കേസിലെ പ്രതികളായ വലിയ മധു, കുട്ടി മധു, ഷിബു, പ്രദീപ് കുമാർ എന്നിവർക്കാണ് നോട്ടീസ് അയക്കുക.
അപ്പീലുകൾ വേഗം വാദം കേട്ട് വിധി പറയണമെന്ന് കോടതിയിൽ വെള്ളിയാഴ്ച ഹരജിക്കാരി ആവശ്യപ്പെട്ടിരുന്നു. കേസ് വേഗം കേൾക്കാനാവുമെന്ന് ഡിവിഷൻ ബെഞ്ചും വ്യക്തമാക്കി. തുടർന്നാണ് നോട്ടീസ് ഉത്തരവായത്. പ്രതികളുടെ പീഡനം സഹിക്കാനാവാതെ പെൺകുട്ടികൾ ആത്മഹത്യ ചെയ്തെന്നാണ് കേസ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.