തൃശൂർ: ഗുരുവായൂര് കെ.എസ്.ആർ.ടി.സി ഡിപ്പോ അടച്ചു. ഡിപ്പോയിലെ കണ്ടക്ടര്ക്ക് കോവിഡ് സ്ഥിരീകരിച്ചതിനെ തുടര്ന്നാണ് ഡിപ്പോ അടച്ചത്. മലപ്പുറം എടപ്പാള് സ്വദേശിയായ ഗുരുവായൂര് ഡിപ്പോയിലെ കണ്ടക്ടര്ക്കാണ് കോവിഡ് സ്ഥിരീകരിച്ചത്. ഗുരുവായൂര്- കാഞ്ഞാണി റൂട്ടില് 25 ന് കെ.എസ്.ആർ.ടി.സി ബസില് യാത്ര ചെയ്തവരോട് നിരീക്ഷണത്തില് പോകാനും നിര്ദേശം നല്കിയിട്ടുണ്ട്.
ഗുരുവായൂരിൽ നിന്നുള്ള നിന്നുള്ള ഏഴ് സര്വീസുകള് റദ്ദാക്കി. 25 ന് രാവിലെ എട്ടരക്കാണ് ഗുരുവായൂര്-കാഞ്ഞാണി വഴി തൂശൂരിലേക്ക് കെ.എസ്.ആർ.ടി.സി സര്വീസ് നടത്തിയത്. ഈ ബസില് വിവിധ ഇടങ്ങളില് നിന്നായി 25 ഓളം പേര് കയറിയതായിട്ടാണ് പ്രാഥമിക വിലയിരുത്തല്. കൂടുതല് പേര് കണ്ടക്ടറുമായി സമ്പര്ക്കത്തിലേര്പ്പെട്ടിട്ടുണ്ടോ എന്നും ആരോഗ്യവകുപ്പ് അന്വേഷിച്ചുവരികയാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.