മെഡിക്കൽ അഡ്മിഷന്റെ പേരിൽ 25 ലക്ഷം രൂപയുടെ തട്ടിപ്പ്:​ പ്രതി പിടിയിൽ

പാ​ലാ: പാ​ലാ സ്വ​ദേ​ശി​നി​യാ​യ വീ​ട്ട​മ്മ​യി​ൽ​നി​ന്നും മ​ക​ന് മെ​ഡി​ക്ക​ൽ അ​ഡ്മി​ഷ​ൻ ന​ൽ​കാ​മെ​ന്ന് പ​റ​ഞ്ഞ് 25 ല​ക്ഷം രൂ​പ ത​ട്ടി​യെ​ടു​ത്ത കേ​സി​ൽ ഒ​ളി​വി​ൽ ക​ഴി​ഞ്ഞി​രു​ന്ന ത​മി​ഴ്നാ​ട് സ്വ​ദേ​ശി​യെ പൊ​ലീ​സ് അ​റ​സ്റ്റ് ചെ​യ്തു.ത​മി​ഴ്നാ​ട് അ​മ്പ​ത്തൂ​ർ സ്വ​ദേ​ശി വി​ജ​യ​കു​മാ​ർ (47) ആ​ണ്​ പി​ടി​യി​ലാ​യ​ത്. പാ​ലാ പൂ​വ​ര​ണി സ്വ​ദേ​ശി​നി​യാ​യ വീ​ട്ട​മ്മ​യി​ൽ​നി​ന്നും മ​ക​ന് ത​മി​ഴ്നാ​ട്​ വെ​ല്ലൂ​രി​ലെ മെ​ഡി​ക്ക​ൽ കോ​ള​ജി​ൽ എം.​ബി.​ബി.​എ​സി​ന് സീ​റ്റ് ന​ൽ​കാ​മെ​ന്ന് പ​റ​ഞ്ഞ് 25 ല​ക്ഷം രൂ​പ വാ​ങ്ങി​യെ​ടു​ത്ത ശേ​ഷം ഇ​യാ​ൾ ക​ബ​ളി​പ്പി​ക്കു​ക​യാ​യി​രു​ന്നു.

വീ​ട്ട​മ്മ​യു​ടെ പ​രാ​തി​യെ തു​ട​ർ​ന്ന് പാ​ലാ പൊ​ലീ​സ് കേ​സെ​ടു​ക്കു​ക​യും, ഈ ​കേ​സി​ലെ മ​റ്റൊ​രു പ്ര​തി​യാ​യ ബ​ഥേ​ല്‍ വീ​ട്ടി​ല്‍ അ​നു സാ​മു​വ​ലി​നെ പി​ടി​കൂ​ടു​ക​യും ചെ​യ്തി​രു​ന്നു.തു​ട​ർ​ന്ന് ഒ​ളി​വി​ൽ​പോ​യ കൂ​ട്ടു​പ്ര​തി​ക്കാ​യി ജി​ല്ല പൊ​ലീ​സ് മേ​ധാ​വി കെ.​കാ​ർ​ത്തി​ക്കി​ന്റെ നേ​തൃ​ത്വ​ത്തി​ൽ പ്ര​ത്യേ​ക അ​ന്വേ​ഷ​ണ​സം​ഘം രൂ​പീ​ക​രി​ച്ച് ന​ട​ത്തി​യ ശാ​സ്ത്രീ​യ​മാ​യ പ​രി​ശോ​ധ​ന​ക്കൊ​ടു​വി​ലാ​ണ് ഇ​യാ​ളെ ത​മി​ഴ്നാ​ട്ടി​ലെ ചെ​ന്നൈ​യി​ലെ ഒ​ളി​വു​സ​ങ്കേ​ത​ത്തി​ൽ നി​ന്നും പി​ടി​കൂ​ടി​യ​ത്.

ഇ​യാ​ൾ ത​ട്ടി​പ്പി​നു​വേ​ണ്ടി 18 ഓ​ളം സിം​കാ​ർ​ഡു​ക​ളാ​ണ് മാ​റി​മാ​റി ഉ​പ​യോ​ഗി​ച്ചി​രു​ന്ന​തെ​ന്നും പൊ​ലീ​സ് ക​ണ്ടെ​ത്തി. തൃ​ശൂ​ർ വെ​സ്റ്റ്, പ​ന്ത​ളം, അ​ടൂ​ർ എ​ന്നീ സ്റ്റേ​ഷ​നു​ക​ളി​ൽ സ​മാ​ന​രീ​തി​യി​ൽ പ​ണം ത​ട്ടി​യെ​ടു​ത്ത കേ​സു​ക​ളി​ൽ പ്ര​തി​യാ​ണ്. പാ​ലാ എ​സ്.​എ​ച്ച്.​ഒ കെ.​പി ടോം​സ​ൺ, എ.​എ​സ്.​ഐ ബി​ജു കെ.​തോ​മ​സ്, സി.​പി.​ഒ​മാ​രാ​യ ശ്രീ​ജേ​ഷ് കു​മാ​ർ, അ​രു​ൺ​കു​മാ​ർ, ര​ഞ്ജി​ത്ത് എ​ന്നി​വ​രും അ​ന്വേ​ഷ​ണ​സം​ഘ​ത്തി​ൽ ഉ​ണ്ടാ​യി​രു​ന്നു. ഇ​യാ​ളെ കോ​ട​തി​യി​ൽ ഹാ​ജ​രാ​ക്കി.