മങ്കട (മലപ്പുറം): വെള്ളത്തില് മുങ്ങിയ മകളെ രക്ഷിക്കാൻ ശ്രമിക്കുന്നതിനിടെ യുവതി മുങ്ങിമരിച്ചു. മേലെ അരിപ്രയി ലെ പരേതനായ പണിക്കര് നെച്ചി യൂസുഫിെൻറ മകള് ശറഫുന്നിസയാണ് (32) മരിച്ചത്.
മകള് ശബാനയെ (13) രക്ഷിക്കാനുള്ള ശ ്രമത്തിനിടെ ചൊവ്വാഴ്ച രാവിലെ 11നാണ് സംഭവം. മക്കളായ ശബാനക്കും റജീനക്കുമൊപ്പം അരിപ്രയിലെ പഞ്ചായത്ത് കുളത്തില് കുളിക്കാനെത്തിയതായിരുന്നു ശറഫുന്നിസ. കരയിൽ നിന്നിരുന്ന റജീന വിവരമറിയിച്ചതിനാല് നാട്ടുകാരെത്തി ശബാനയെ കരക്ക് കയറ്റിയെങ്കിലും ഉമ്മയെ രക്ഷിക്കാനായില്ല.
ശബാന ഗുരുതരാവസ്ഥയില് പെരിന്തൽമണ്ണ മൗലാന ആശുപത്രിയിലാണ്. പെരിന്തല്മണ്ണ ജില്ല ആശുപത്രിയിൽ താല്ക്കാലിക ശുചീകരണ തൊഴിലാളിയായി ജോലിചെയ്തിരുന്ന ശറഫുന്നിസയുടെ പിതാവ് യൂസുഫ് ഒരുമാസം മുമ്പാണ് മരിച്ചത്. തിരുവേഗപ്പുറയിലെ ഇമ്പിച്ചിബാവയാണ് ഭര്ത്താവ്. മേലെ അരിപ്ര ജുമാമസ്ജിദ് ഖബര്സ്ഥാനില് ഖബറടക്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.