വള്ളിപ്പടർപ്പുകളിൽ ചലനമറ്റ്​ പൊന്നു; കണ്ണീരണിഞ്ഞ്​ കേരളം

കൊട്ടിയം (കൊല്ലം): പുഴയിലെ അടിത്തട്ടിൽ വള്ളിപ്പടർപ്പുകളിൽ തുണിക്കെട്ടു പോലെ എ​ന്തോ ഒന്ന്​ കുടുങ്ങിക്കിട ക്കുന്നു. ​തെരച്ചിൽ നടത്തുന്നവർ ആ ഭാഗത്തേക്ക്​ മുങ്ങാംകുഴിയിട്ടു. അത്​ തങ്ങളുടെ പൊന്നുമോളാകരുതേ എന്ന പ്രാർ ഥനയിലായിരുന്നു അവർ. എന്നാൽ, പ്രതീക്ഷയോടെ കാത്തിരുന്നവരെ കണ്ണീരിലാഴ്​ത്തുന്നതായിരുന്നു ആ വിവരം.

20 മണ ിക്കൂർ രാപ്പകൽ വ്യത്യാസമില്ലാതെ കേരളമൊന്നടങ്കം പൊന്നുവി​​െൻറ തിരിച്ചുവരവിന്​ കാതോർക്കുകയായിരുന്നു. എന്നാൽ, രാവിലെ ഏഴരയോടെ വീടിന്​ തൊട്ടടുത്ത പുഴയിൽ ചലനമറ്റ ശരീരം കണ്ടെടുത്തു. വള്ളിപ്പടർപ്പുകളിൽ തലമുടി ചുറ്റിക്കിടന്ന നിലയിലായിരുന്നു മോളുടെ ശരീരം. അതോടെ, തെരച്ചിലിലേർപ്പട്ടവരും നാട്ടുകാരും സങ്കടക്കടലിലായി. പാട്ടും കുസൃതിയുമായി ഓടിച്ചാടി നടന്ന, നാട്ടുകാർ ‘പൊന്നു’ എന്ന്​ സ്​നേഹത്തോടെ വിളിച്ചിരുന്ന ദേവനന്ദ ഇനി ഇല്ല എന്ന യാഥാർഥ്യം അവർക്ക്​ ഇനിയും ഉൾക്കൊള്ളാനാകുന്നില്ല.

കാണാതായ വിവരമറിഞ്ഞ ഉടൻ തങ്ങൾ തെരച്ചിൽ നടത്തിയ പുഴയിലാണ്​ പൊന്നുമോളുടെ മൃതദേഹം കണ്ടതെന്നത്​ നാട്ടുകാരെയും രക്ഷാപ്രവർത്തകരെയും ഒരുപോലെ വേദനിപ്പിക്കുന്നു. മണിക്കൂറുകളോളം നാടും നഗരവും അരിച്ചുപെറുക്കുകയും ആയിരക്കണക്കിന്​ വാഹനങ്ങളും ട്രെയിനുകളും പരിശോധിക്കുകയും ചെയ്യുേമ്പാൾ, വിളിപ്പാടകലെ കിടക്കുകയായിരുന്ന പൊന്നുവി​​െൻറ ജീവൻ രക്ഷിക്കാൻ തങ്ങൾക്കായില്ലല്ലോ എന്ന വേദന.

വീ​ട്ടു​മു​റ്റ​ത്ത് ക​ളി​ക്കു​ന്ന​തി​നി​ടെയാണ്​ ദേ​വ​ന​ന്ദ​യെ​ന്ന ഏ​ഴു​വ​യ​സ്സു​കാ​രി​യെ ഇന്നലെ രാവിലെ കാണാതായത്​. കു​ട്ടി​യെ കാ​ൺ​മാ​നി​ല്ലെ​ന്ന് തി​രി​ച്ച​റി​ഞ്ഞ നി​മി​ഷം മു​ത​ൽ ഫേ​സ്ബു​ക്ക് പോ​സ്​​റ്റു​ക​ളാ​യും വാ​ട്ട്സ്​​ആ​പ്പ് സ്​​റ്റാ​റ്റ​സു​ക​ളാ​യും ഗ്രൂ​പ് സ​ന്ദേ​ശ​ങ്ങ​ളാ​യും സൈബർ ലോകവും തെരച്ചിലിൽ സജീവമായുണ്ടായിരുന്നു. കു​ഞ്ചാ​ക്കോ ബോ​ബ​ൻ അ​ട​ക്കം സി​നി​മ താ​ര​ങ്ങ​ളും നി​ര​വ​ധി ഫോ​ളോ​വേ​ഴ്സ് ഉ​ള്ള പേ​ജു​ക​ളും ഗ്രൂ​പ്പു​ക​ളു​മെ​ല്ലാം കു​ട്ടി​യു​ടെ ചി​ത്ര​മു​ൾ​പ്പെ​ടെ സ​ന്ദേ​ശം പ​ങ്കു​വെ​ച്ചു.

ഇ​തി​നി​ടെ കു​ട്ടി​യെ കി​ട്ടി​യെ​ന്ന വ്യാ​ജ സ​ന്ദേ​ശ​ങ്ങ​ളും ഇന്നലെ പ്ര​ച​രി​ച്ചു. കൊ​ല്ലം ജി​ല്ല എ​ന്ന ഫേ​സ്ബു​ക്ക് പേ​ജി​ലൂ​ടെ​യാ​ണ് ഈ ​വാ​ർ​ത്ത ആ​ദ്യം വ​ന്ന​ത്. എ​ന്നാ​ൽ, വ്യാ​ജ​മാ​ണെ​ന്ന് അ​റി​യാ​തെ​യാ​ണ് വി​വ​രം പ​ങ്കു​വെ​ച്ച​തെ​ന്ന് ഇ​തേ പേ​ജി​ൽ പി​ന്നീ​ട് വ്യ​ക്​​ത​മാ​ക്കി. എന്നാൽ, എല്ലാ പ്രതീക്ഷകളും അസ്​ഥാനത്താക്കി, കാത്തിരിപ്പ്​ വിഫലമാക്കി ദേവനന്ദ യാത്രയായി.