നൊച്ചാട് മണ്ഡലം കോൺഗ്രസ് കമ്മിറ്റി സംഘടിപ്പിച്ച ജനകീയ പ്രതിരോധജാഥയുടെ സമാപന സമ്മേളനം ചാലിക്കരയിൽ
അഡ്വ. കെ. പ്രവീൺ കുമാർ ഉദ്ഘാടനം ചെയ്യുന്നു
പേരാമ്പ്ര: സി.പി.എമ്മിന്റെ ആക്രമണത്തെ ജനാധിപത്യരീതിയിൽ പ്രതിരോധിക്കുമെന്ന് കെ.പി.സി.സി വർക്കിങ് പ്രസിഡൻറ് ടി. സിദ്ദീഖ് പറഞ്ഞു. നൊച്ചാട് മണ്ഡലം കോൺഗ്രസ് കമ്മിറ്റി സംഘടിപ്പിച്ച ജനകീയ പ്രതിരോധജാഥയുടെ സമാപനസമ്മേളനം ചാലിക്കരയിൽ ഉദ്ഘാടനം ചെയ്യുകയായിരുന്നു അദ്ദേഹം.
ബി.ജെ.പിയുടെ അജണ്ടകൾ നടപ്പിലാക്കാൻ കേരളക്കരയിൽ ആസൂത്രിതമായ പരിശ്രമങ്ങൾക്ക് നേതൃത്വം കൊടുക്കുന്ന സി.പി.എമ്മിന്റെ പ്രവർത്തനശൈലി കേരളത്തിലെ സാമൂഹിക- രാഷ്ട്രീയ മണ്ഡലങ്ങളിൽ വേദനയുണ്ടാക്കുന്നതാണ്.
കോൺഗ്രസ് മണ്ഡലം പ്രസിഡൻറും ജാഥാ ലീഡറുമായ പി.എം. പ്രകാശൻ അധ്യക്ഷത വഹിച്ചു. ഡി.സി.സി ജനറൽ സെക്രട്ടറിമാരായ നിജേഷ് അരവിന്ദ്, മുനീർ എരവത്ത്, രാജൻ മരുതേരി, കെ.കെ. വിനോദൻ, ബ്ലോക്ക് കോൺഗ്രസ് പ്രസിഡൻറ് കെ. മധുകൃഷ്ണൻ എന്നിവർ സംസാരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.