കൽപ്പറ്റ: കോവിഡ്19 രോധബാധ സംബന്ധിച്ച് സാമൂഹിക മാധ്യമങ്ങളിലൂടെ വ്യാജ പ്രചരണം നടത്തിയ സംഭവത്തിൽ രണ്ടുപേർ ക ൂടി അറസ്റ്റിൽ. വാട്സ്ആപ് ഗ്രൂപ്പ് അഡ്മിൻമാരായ പൊഴുതന മൈലുംപാത്തി സ്വദേശികളായ കൂട്ടുപുലയിക്കൽ വീട്ടിൽ ഷിബിൻ (24), വറങ്കോടൻ വീട്ടിൽ ആഷിദ് (24) എന്നിവരെയാണ് കൽപ്പറ്റ പൊലീസ് അറസ്റ്റ് ചെയ്തത്. ഇരുവരെയും ജാമ്യത്തിൽ വിട്ടയച്ചു.
വെള്ളിയാഴ്ച പൊഴുതന മൈലുംപ്പാത്തി സ്വദേശി താണിക്കൽ വീട്ടിൽ ഫഹദിനെ (25) കൽപ്പറ്റ പൊലീസ് അറസ്റ്റ് ചെയ്തിരുന്നു. ശേഷം ജാമ്യത്തിൽ വിട്ടയക്കുകയും ചെയ്തിരുന്നു. ഇതോടെ കേസിൽ മൂന്നുപേരെ അറസ്റ്റ് ചെയ്തിട്ടുണ്ട്.
കൽപ്പറ്റയിലെ സ്വകാര്യ ആശുപത്രിയിൽ നാലാം മൈൽ സ്വദേശിക്ക് കോവിഡ്19 സ്ഥിരീകരിച്ചുവെന്ന് പ്രചരിപ്പിച്ചതിനാണ് അറസ്റ്റ്. വ്യാജ വാർത്ത പ്രചരിപ്പിച്ച കേസിൽ ഇനിയും അറസ്റ്റുണ്ടാകുമെന്ന് പൊലീസ് അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.