വെള്ളിമാടുകുന്ന്: ഓട്ടോറിക്ഷ നിയന്ത്രണം വിട്ട് ബ്യൂട്ടി സലൂണിലേക്ക് ഇടിച്ചു കയറി. സലൂണിന്റെ ചില്ലുകൾ തകർന്നു. ‘മാധ്യമ’ത്തിനു സമീപം അൻസാറിന്റെ ഉടമസ്ഥതയിലുള്ള ബ്യൂട്ടി സലൂണിന്റെ ചില്ലകളാണ് തകർന്നത്. ശനിയാഴ്ച രാത്രി ഏഴേമുക്കാലോടെയാണ് സംഭവം.
ഓട്ടോറിക്ഷയുടെ മുൻഭാഗം തകർന്നു. ബ്യൂട്ടി സലൂണിനുള്ളിൽ നാലു പേർ ഉണ്ടായിരുന്നതായി കടയുടമ പറഞ്ഞു. രണ്ടു പേർ ഇരുന്ന ഭാഗത്തേക്കാണ് ചില്ലുകൾ തകർത്ത് ഓട്ടോ എത്തിയത്. 60,000 രൂപയുടെ നഷ്ടം സംഭവിച്ചതായി കണക്കാക്കുന്നു.
ചേവായൂർ പൊലീസ് സ്ഥലത്തെത്തി അന്വേഷണം നടത്തി. ഡ്രൈവർ മദ്യപിച്ചതായി സംശയമുണ്ടെന്ന് പൊലീസ് പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.