അമ്പലവയൽ: തമിഴ് യുവതിയെയും ഒപ്പമുണ്ടായിരുന്ന യുവാവിനെയും റോഡിൽ മർദിച്ച സംഭ വത്തിൽ മർദനത്തിനിരയായ യുവതിയെ തിരക്കി അന്വേഷണസംഘം കോയമ്പത്തൂരിലെത്തി.
അമ് പലവയൽ എസ്.ഐ വേണുഗോപാലിെൻറ നേതൃത്വത്തിലുള്ള അഞ്ചംഗ സംഘമാണ് യുവതിയെക്കണ്ട് മൊഴി രേഖപ്പെടുത്തുന്നതിന് കഴിഞ്ഞദിവസം കോയമ്പത്തൂരിൽ എത്തിയത്. എന്നാൽ, യുവതി അമ്പലവയലിൽ നൽകിയ വിലാസത്തിൽ അന്വേഷിച്ചെങ്കിലും കണ്ടെത്താനായിട്ടിെല്ലന്നാണ് പൊലീസ് അറിയിച്ചത്. യുവതിയെക്കുറിച്ച് പൊലീസിന് വ്യക്തമായ വിവരം ലഭിച്ചതായി സൂചനയുണ്ട്.
അതേസമയം, യുവതിയെയും യുവാവിനെയും മർദിച്ച അമ്പലവയൽ പായിക്കൊല്ലി സ്വദേശി സജീവാനന്ദിനെ കണ്ടെത്തിയിട്ടില്ല. കർണാടകയിലും അന്വേഷണം നടക്കുന്നുണ്ട്. കഴിഞ്ഞ ഞായറാഴ്ചയാണ് യുവതിക്കും യുവാവിനും റോഡിൽ മർദനമേറ്റത്. ഇതിെൻറ ദൃശ്യങ്ങൾ വൈറലായതോടെയാണ് പൊലീസ് കേസെടുത്തത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.