തിരുവനന്തപുരം: അതിരപ്പിള്ളി പദ്ധതി നടപ്പാക്കണമോ വേണ്ടയോയെന്ന് എല്‍.ഡി.എഫ് തീരുമാനിക്കുമെന്ന് സി.പി.ഐ സംസ്ഥാന സെക്രട്ടറി കാനം രാജേന്ദ്രന്‍. എല്‍.ഡി.എഫിന്‍െറ തെരഞ്ഞെടുപ്പ് പ്രകടന പത്രികയിലില്ലാത്തതായിരുന്നു അതിരപ്പിള്ളി പദ്ധതി. നിയമസഭയില്‍ പദ്ധതി സംബന്ധിച്ച് സ്ഥലം ഏറ്റെടുക്കുമെന്ന് മന്ത്രി അറിയിച്ചത് ഗൗരവമുള്ള കാര്യമാണ്.
എന്നാല്‍, അത് എഴുതി തയാറാക്കിയ ചോദ്യത്തിനുള്ള ഉത്തരമായാണ് പറഞ്ഞത്. സര്‍ക്കാര്‍ നിലപാട് പദ്ധതി വേണമെന്നായിരിക്കാം. ഇക്കാര്യം തീരുമാനിക്കുന്നത് എല്‍.ഡി.എഫായിരിക്കുമെന്നും കാനം പറഞ്ഞു. പദ്ധതി നടപ്പാക്കാന്‍ അനുവദിക്കില്ളെന്ന് എ.ഐ.എസ്.എഫ് പറഞ്ഞിട്ടുണ്ടല്ളോയെന്ന ചോദ്യത്തിന് ഓരോ യുവജനസംഘടനക്കും അവരുടേതായ അഭിപ്രായമുണ്ടാകുമെന്നും കാനം പ്രതികരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.