ഛർദ്ദിച്ച പെൺകുട്ടിയെകൊണ്ട് ബസ് കഴുകിച്ചു; കെ.എസ്.ആർ.ടി.സി ഡ്രൈവർക്കെതിരെ നടപടി

തിരുവനന്തപുരം: കെ.എസ്.ആർ.ടി.സി ബസിനുള്ളിൽ ഛർദ്ദിച്ച പെൺകുട്ടിയെയും സഹോദരിയെയും കൊണ്ട് ബസ് കഴുകിച്ച സംഭവത്തിൽ ഡ്രൈവർക്കെതിരെ നടപടി. നെയ്യാറ്റിൻകര ഡിപ്പോയിലെ എംപാനൽ ഡ്രൈവർ എസ്.എൻ. ഷിജിയെ സർവീസിൽനിന്നും മാറ്റിനിർത്തി.

വ്യാഴാഴ്ചയായിരുന്നു സംഭവം. പല്ല് ചികിത്സക്കായി ആശുപത്രിയിൽ പോയി മടങ്ങുകയായിരുന്ന പെൺകുട്ടി ബസിൽ ഛർദ്ദിക്കുകയായിരുന്നു.

ദുരനുഭവമുണ്ടായ പെൺകുട്ടികൾ മറ്റൊരു കെ.എസ്.ആർ.ടി.സി ഡ്രൈവറുടെ മക്കളാണ്.