നേതൃമാറ്റം ചർച്ചയായില്ല -വി.എം സുധീരൻ

ന്യൂഡൽഹി: കോൺഗ്രസ് അധ്യക്ഷ സോണിയ ഗാന്ധിയുമായുള്ള കൂടിക്കാഴ്ചയിൽ കേരള ഘടകത്തിലെ നേതൃമാറ്റം ചർച്ചയായില്ലെന്ന് കെ.പി.സി.സി പ്രസിഡന്‍റ് വി.എം സുധീരൻ. അത്തരത്തിലൊരു ചർച്ച ഉണ്ടായിട്ടില്ലെന്നും അദ്ദേഹം മാധ്യമങ്ങളോട്  പറഞ്ഞു.

തെരഞ്ഞെടുപ്പിൽ കോൺഗ്രസിനുണ്ടായ തിരിച്ചടി സംബന്ധിച്ച് വിശദമായി തന്നെ സോണിയയെ ബോധ്യപ്പെടുത്തി. പാർട്ടിയെ പുനരുജ്ജീവിപ്പിച്ച് കൂടുതൽ ശക്തിപ്പെടുത്തി മുന്നോട്ട് കൊണ്ടുപോകണമെന്ന് അവർ നിർദേശിച്ചതായും സുധീരൻ പറഞ്ഞു.