ന്യൂഡൽഹി: കോവിഡ് മഹാമാരിയിൽ ബുദ്ധിമുട്ടുന്നവർക്ക് കൊറോണ വൈറസ് റിലീഫ് പൂജയുമായി വെബ്സൈറ്റ്. ദുർഗ സപ്താശതി പൂജ ചെയ്താൽ കോവിഡ് ബാധിക്കില്ലെന്നാണ് വെബ്സൈറ്റിെൻറ അവകാശ വാദം. വെബ്സൈറ്റ് സംബന്ധിച്ച കൂടുതൽ വിവരങ്ങൾ ലഭ്യമല്ല.
പൂജയിലുടെ ദുർഗയെ പ്രീതിപ്പെടുത്തി രോഗശാന്തി നേടുകയും ആരോഗ്യ സൗഖ്യം ലഭിക്കുമെന്നും വെബ്സൈറ്റിൽ പറയുന്നു. ശക്തിപീത് ഡിജിറ്റൽ എന്ന അക്കൗണ്ടിലുടെയാണ് സാമൂഹിക മാധ്യമങ്ങളിലെ പ്രചരണം.
പൂജക്ക് ഫീസായി 2100 രൂപക്ക് പുറമെ 18 ശതമാനം ജി.എസ്.ടിയും നൽകണം. പൂജ നടത്തി ദുർഗ വിശ്വാസികെള അനുഗ്രഹിക്കുന്നതോടെ ആരോഗ്യം, സമ്പത്ത്, ശുഭാപ്തി വിശ്വാസം, വിജയം എന്നിവ നേടാനാകുമെന്നും വെബ്സൈറ്റിൽ പറയുന്നു.
കൂടാതെ കോവിഡിൽനിന്ന് രക്ഷ നേടുന്നതിനും സമ്പത്തും ആരോഗ്യവും പ്രദാനം ചെയ്യുന്നതിനും പൂജ ഉപകരിക്കുമെന്ന് പറയുന്നു. കുടുംബത്തിന് ജീവിതകാലം മുഴുവനും സംരക്ഷണം, വീട്ടുകാരുടെ ആരോഗ്യ സംരക്ഷണം, സമ്പത്ത് വർധിപ്പിക്കൽ തുടങ്ങിയവക്കും പൂജ ചെയ്യുമെന്നും വെബ്സൈറ്റിൽ പറയുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.