ന്യൂഡൽഹി: പ്രധാനമന്ത്രി നരേന്ദ്ര മോദി വസ്ത്രം മാറുന്നത് പോലെയാണ് ആർ.ബി.െഎ നിയമങ്ങൾ മാറ്റുന്നതെന്ന് കോൺഗ്രസ് ഉപാധ്യക്ഷൻ രാഹുൽ ഗാന്ധി. നോട്ട് പിൻവലിക്കലുമായി ബന്ധപ്പെട്ട് ആർ.ബി.െഎ പുതിയ നിയമങ്ങൾ കൊണ്ടു വന്നതിെൻറ പശ്ചാത്തലത്തിലാണ് രാഹുൽ ഗാന്ധി ഇത്തരമൊരു അഭിപ്രായ പ്രകടനം നടത്തിയത്. ഇൗയടുത്തു നടത്തിയ അമേരിക്കൻ സന്ദർശനത്തിനിടെ നിരവധി തവണയാണ് മോദി കോട്ട് മാറ്റിയത്. അതുപോലൊയണ് ആർ.ബി.െഎ നിയമങ്ങൾ മാറ്റികൊണ്ടിരിക്കുന്നതെന്ന് രാഹുൽ ഗാന്ധി ബീഹാറിൽ പറഞ്ഞു.
മുൻ ധധമന്ത്രി പി.ചിദംബരവും ആർ.ബി.െഎയുടെ നടപടിയെ വിമർശിച്ച് രംഗത്തെത്തി. ആർ.ബി.െഎ പുതിയ നിയമം കൊണ്ടു വരുന്നു അതിന് വിരുദ്ധമായ അഭിപ്രായ പ്രകടനമാണ് ധനമന്ത്രി അരുൺ ജെയ്റ്റിലി നടത്തുന്നത്. ജനം ഇതിൽ ആരെയാണ് വിശ്വസിക്കേണ്ടതെന്നും ചിദംബരം ചോദിച്ചു.
5000 രൂപവരെ മൂല്യമുള്ള പഴയ അസാധു നോട്ടുകൾ ഇനി ഒരിക്കൽ മാത്രമേ നിക്ഷേപിക്കാവു എന്ന് ആർ.ബി.െഎയെ ഉദ്ധരിച്ച് വാർത്തകൾ പുറത്ത് വന്നിരുന്നു. എന്നാൽ 5000 രൂപ മൂല്യമുള്ള അസാധു നോട്ടുകൾ നിക്ഷേപിക്കന്നതിന് തടസമില്ലെന്ന് അരുൺ ജെയ്റ്റ്ലി വിശദീകരണം നൽകി. 5000 രൂപയിൽ കൂടുതൽ മുല്യമുള്ള അസാധു നോട്ടുകൾ നിരവധി തവണ നിക്ഷേപിക്കുേമ്പാൾ അത് പരിശോധനക്ക് വിധേയമാക്കുക മാത്രമാണ് ചെയ്യുക എന്നാണ് ജെയ്റ്റ്ലിയുടെ വിശദീകരണം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.