ബംഗളൂരു: കർണാടകയിലെ കോൺഗ്രസ്-ജെ.ഡി.എസ് സർക്കാറിെൻറ ആയുസ്സ് സംബന്ധിച്ച ചോദ്യങ്ങൾക്ക് മറുപടിയുമായി മുഖ്യമന്ത്രി എച്ച്.ഡി കുമാരസ്വാമി. 2019 ലോക്സഭ തെരഞ്ഞെടുപ്പ് വരെ ആർക്കും സർക്കാറിനെ വീഴ്ത്താനാവില്ലെന്ന് കുമാരസ്വാമി പ്രതികരിച്ചു.
സഖ്യസർക്കാറിെൻറ പ്രവർത്തനം ഇപ്പോൾ സുസ്ഥിരമാണ്. ലോക്സഭ തെരഞ്ഞെടുപ്പ് വരെ സർക്കാറിനെ ഒന്നു തൊടാൻ പോലും ആർക്കും സാധിക്കില്ല. സംസ്ഥാനത്തിെൻറ വികസനത്തിനായി പദ്ധതികൾ നടപ്പാക്കുകയാണ് ഇപ്പോൾ സർക്കാറിെൻറ ലക്ഷ്യമെന്നും കുമാരസ്വാമി പറഞ്ഞു. കർഷകരുടെ കടങ്ങൾ എഴുതി തള്ളുന്ന കാര്യത്തിലും വൈകാതെ തീരുമാനമുണ്ടാകുമെന്നും കുമാരസ്വാമി കൂട്ടിച്ചേർത്തു.
കർണാടകയിൽ അധികാരമേറ്റ കോൺഗ്രസ്-ജെ.ഡി.എസ് സഖ്യ സർക്കാറിെൻറ അധിക ആയുസ് ഉണ്ടാവില്ലെന്ന് പലരും പ്രവചിച്ചിരുന്നു. ഇതിന് പിന്നാലയാണ് ഇത്തരം വാദങ്ങളെ തള്ളി കുമാരസ്വാമി രംഗത്തെത്തിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.