അനന്തിപ്പോറ: ജമ്മു കശ്മീരിൽ അൽ ബദർ തീവ്രവാദ ഗ്രൂപ്പുമായി ബന്ധമുള്ള നാലു പേർ അറസ്റ്റിൽ. അവന്തിപ്പോറയിലെ ദദ്സറ ഗ്രാമത്തിൽ സംയുക്ത സേന നടത്തിയ തെരച്ചിലിലാണ് ഇവരെ പിടികൂടിയത്.
യവർ അസീസ് ദർ, സജാദ് അഹമ്മദ് പാരായ്, അബിദ് മജീദ് ഷെഖ്സ ഷൗക്കത്ത് അഹമ്മദ് ദർ എന്നിവരാണ് അറസ്റ്റിലായതെന്ന് പൊലീസ് അറിയിച്ചു. ഇവരിൽ നിന്ന് എ.കെ 56 റൈഫിൾ, വെടിയുണ്ടകൾ, ഗ്രനേഡ് അടക്കമുള്ളവ കണ്ടെടുത്തു. പിടികൂടിയവർക്കെതിരെ അവന്തിപ്പോറ പൊലീസ് കേസ് രജിസ്റ്റർ ചെയ്തു.
രഹസ്യ വിവരത്തിന്‍റെ അടിസ്ഥാനത്തിൽ ദദ്സറ-ലർമോഹ് ഗ്രാമങ്ങളിലാണ് സംയുക്ത സേന തെരച്ചിൽ നടത്തിയത്. സംശയകരമായ സാഹചര്യത്തിൽ കണ്ടെത്തിയവരെ വിശദമായി ചോദ്യം ചെയ്തതിൽ നിന്നാണ് ഇവർക്ക് തീവ്രവാദ ഗ്രൂപ്പുമായി ബന്ധമുണ്ടെന്ന് സേന കണ്ടെത്തിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.