ചൈതന്യ ബാഗേൽ
റായ്പൂർ: മദ്യ കുംഭകോണ കേസിൽ ഛത്തിസ്ഗഢ് മുൻ മുഖ്യമന്ത്രിയും കോൺഗ്രസ് നേതാവുമായ ഭൂപേഷ് ബാഗേലിന്റെ വസതിയിൽ എൻഫോഴ്സ്മെന്റ് ഡയറക്ടറേറ്റ് റെയ്ഡ് (ഇ.ഡി) നടത്തി. ഭൂപേഷ് ബാഗേലിന്റെ മകൻ ചൈതന്യ ബാഗേലിനെതിരെയുള്ള കള്ളപ്പണം വെളുപ്പിക്കൽ അന്വേഷണത്തിന്റെ ഭാഗമായാണ് തിങ്കളാഴ്ച അനുയായികളുടെ ഉൾപ്പെടെ വസതികളിൽ റെയ്ഡ് നടത്തിയതെന്ന് ഔദ്യോഗിക വൃത്തങ്ങൾ അറിയിച്ചു. ചൈതന്യ ബാഗേലിന്റെ അടുപ്പക്കാരായ ലക്ഷ്മി നാരായൺ ബൻസാലിന്റെയും മറ്റും വസതികളിലും പരിശോധന നടന്നു.
സംസ്ഥാനത്ത് പതിനഞ്ചോളം സ്ഥലങ്ങളിൽ റെയ്ഡ് നടന്നതായി അധികൃതർ അറിയിച്ചു. ഭിലായിൽ ചൈതന്യയുടെ വസതിയിലാണ് ഭൂപേഷ് ബാഗേലും താമസിക്കുന്നത്. അതിനിടെ റെയ്ഡിനെ തുടർന്ന് നിയമസഭയിൽ പ്രതിഷേധിച്ച കോൺഗ്രസ് എം.എൽ.എമാരെ സഭയിൽനിന്ന് സസ്പെൻഡ് ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.