പനാജി: കൊറോണ വൈറസ് ഭീതിയെ തുടർന്ന് വിശ്വാസികൾ കുരിശിൽ ചുംബിക്കരുതെന്ന് ഗോവ റോമൻ കാത്തലിക് ചർച്ചിെൻറ നിർദേശം. കൊറോണ വൈറസ് പടർന്നു പിടിക്കാതിരിക്കാനുള്ള മുൻകരുതലിെൻറ ഭാഗമായാണ് നടപടി.
ദാമൻ ആൻഡ് ദിയു ആർച്ച് ബിഷപ്പ് നെറി ഫെറാവോ ആണ് നിർദേശം നൽകിയത്. ജനങ്ങൾ ഹസ്തദാനം ചെയ്യരുത്. അതിനു പകരം നമസ്തെ നൽകിയാൽ മതി. കുരിശ് ഉയർത്തി അനുഗ്രഹിക്കുകയാണ് നല്ലതെന്നും നിർദേശത്തിൽ പറയുന്നു.
രോഗം ബാധിച്ചവർക്ക് അസുഖം ഭേദമാവുന്നതിനും മറ്റ് ജനങ്ങളുടെ സംരക്ഷണത്തിനും വേണ്ടി സർവ്വശക്തനോട് നിരന്തരം ആത്മാർത്ഥമായി പ്രാർത്ഥിക്കണമെന്ന് ഈ അതിരൂപതയിലെ പുരോഹിതന്മാരോടും മതവിശ്വാസികളോടും വിശ്വസ്തരോടും ഉദ്ബോധിപ്പിക്കുകയാണെന്നും ആർച്ച് ബിഷപ്പ് അറിയിച്ചു.
ലോകത്ത് ഒന്നര ലക്ഷത്തിലധികം പേരാണ് കോവിഡ് 19 ബാധിതരായുള്ളത്. 5,760ലേറെ പേർ ഇതിനകം മരിച്ചിട്ടുണ്ട്. രാജ്യത്ത് കോവിഡ് ബാധിച്ചവരുടെ എണ്ണം 100 ആയി ഉയർന്നിരിക്കുകയാണ്. പുതുതായി അഞ്ചുപേർക്കാണ് രാജ്യത്ത് രോഗം സ്ഥിരീകരിച്ചത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.