തെലങ്കാനയിൽ കോൺഗ്രസ്; രാജസ്ഥാനിലും മധ്യപ്രദേശിലും ഛത്തീസ്ഗഡിലും ബി.ജെ.പി -LIVE
ബി.ജെ.പിയുടെ ഡബിൾ എൻജിൻ ഭരണത്തിൽ ജനങ്ങൾക്കുള്ള വിശ്വാസം തെളിയിക്കുന്നതാണ് മധ്യപ്രദേശിലെ വിജയം -കേന്ദ്ര മന്ത്രി അശ്വിനി വൈഷ്ണവ്
രാജസ്ഥാനിൽ രണ്ട് മണ്ഡലങ്ങളിൽ സി.പി.എം ലീഡ് ചെയ്യുന്നു. ദുംഗാർഗഢ് മണ്ഡലത്തിൽ സി.പി.എമ്മിന്റെ ഗിർദരി ലാലാണ് മുന്നേറുന്നത്. സി.പി.എം മുന്നേറുന്ന രണ്ടാമത്തെ മണ്ഡലം ഭാദ്രയാണ്. പാർട്ടി സ്ഥാനാർഥിയായ ബൽവാൻ പൂനിയയാണ് ലീഡ് ചെയ്യുന്നത്.
തെലങ്കാനയിൽ മുഹമ്മദ് അസ്ഹറുദ്ദീൻ മുന്നിൽ
തെലങ്കാന നിയമസഭ തെരഞ്ഞെടുപ്പിൽ ജൂബിലി ഹിൽസ് മണ്ഡലത്തിൽ ജനവിധി തേടുന്ന കോൺഗ്രസ് നേതാവും മുൻ ഇന്ത്യൻ ക്രിക്കറ്റ് ടീം ക്യാപ്റ്റനുമായ മുഹമ്മദ് അസ്ഹറുദ്ദീൻ മുന്നിൽ. തുടക്കത്തിൽ പിറകിലായിരുന്നു അസ്ഹർ നിലവിലെ എം.എൽ.എയായ ബി.ആർ.എസിലെ മഗന്തി ഗോപിനാഥിനെയാണ് രണ്ടാം സ്ഥാനത്തേക്ക് പിന്തള്ളിയത്
തെലങ്കാന മുഖ്യമന്ത്രി ചന്ദ്രശേഖർ റാവു പിന്നിൽ
തെലങ്കാനയിലെ കാമറെഡ്ഡി മണ്ഡലത്തിൽ മുഖ്യമന്ത്രി കെ. ചന്ദ്രശേഖർ റാവുവിനെതിരെ കോൺഗ്രസ് നേതാവ് രേവന്ത് റെഡ്ഡിയുടെ മുന്നേറ്റം. അതേസമയം, താൻ മത്സരിക്കുന്ന രണ്ടാമത്തെ മണ്ഡലമായ ഗജ്വെലിൽ ചന്ദ്രശേഖർ റാവു മുന്നിലാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.