ഹൗറ: സ്വാതന്ത്ര്യസമര സേനാനി സുഭാഷ് ചന്ദ്രബോസിന്‍െറ ചെറു അനന്തരവന്‍ ചന്ദ്രകുമാര്‍ ബോസ് ബി.ജെ.പിയില്‍ ചേര്‍ന്നു. പശ്ചിമബംഗാളില്‍ നടന്ന പൊതുസമ്മേളനത്തില്‍ ബി.ജെ.പി ദേശീയ പ്രസിഡന്‍റ് അമിത് ഷായുടെ സാന്നിധ്യത്തില്‍ പാര്‍ട്ടി അംഗത്വം സ്വീകരിച്ചു. രഹസ്യമായിരുന്ന 100 നേതാജി ഫയലുകള്‍ പ്രസിദ്ധപ്പെടുത്തിയ കേന്ദ്രസര്‍ക്കാര്‍ ചടങ്ങിലും ഇദ്ദേഹം പങ്കെടുത്തിരുന്നു. പ്രധാനമന്ത്രിയുടെ ഈ ചുവടുവെപ്പ് സ്വാഗതം ചെയ്യുന്നതായും ഇത് ഇന്ത്യയിലെ സുതാര്യതയുടെ ദിനമാണെന്നും അദ്ദേഹം ആ ചടങ്ങില്‍ പറഞ്ഞിരുന്നു. സത്യം മറച്ചുവെക്കാന്‍ കോണ്‍ഗ്രസ് ഭരണകാലത്ത് പ്രധാനപ്പെട്ട ഫയലുകള്‍ നശിപ്പിക്കപ്പെട്ടതായി അനുഭവപ്പെടുന്നതായും കൂടുതല്‍ ഫയലുകള്‍ പുറത്തുകൊണ്ടുവരാന്‍ സര്‍ക്കാര്‍ ശ്രമിക്കുമെന്നാണ് പ്രതീക്ഷയെന്നും അദ്ദേഹം പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.