പത്താൻകോട്ട് ആക്രമണം മോദിക്കേറ്റ തിരിച്ചടിയെന്ന് ഉമർ അബ്ദുല്ല

ശ്രീനഗർ: പഞ്ചാബിലെ പത്താൻകോട്ടിലുണ്ടായ തീവ്രവാദിക്രമണം പ്രധാനമന്ത്രി നരേന്ദ്ര മോദി നടത്തുന്ന നീക്കങ്ങൾക്കുള്ള കനത്ത തിരിച്ചടിയാണെന്ന് ജമ്മു കശ്മീർ മുൻ മുഖ്യമന്ത്രി ഉമർ അബ്ദുല്ല. പാകിസ്താൻ സന്ദർശനത്തിന് ശേഷം മോദിക്ക് ലഭിച്ച ആദ്യത്തെ വെല്ലുവിളിയാണിത്.  ആക്രമണത്തിൻെറ പശ്ചാത്തലത്തിൽ ഇന്ത്യ-പാക് സമാധാന ചർച്ചകൾ മാറ്റിവെക്കണമെന്നും ഉമർ അബ്ദുല്ല  ട്വിറ്ററിൽ പ്രതികരിച്ചു.

പത്താൻകോട്ടിൽ ഇന്ന് പുലർച്ചെ മൂന്നരക്കുണ്ടായ ആക്രമണത്തിൽ രണ്ട് സൈനികരാണ് കൊല്ലപ്പെട്ടത്. രണ്ട് തീവ്രവാദികളെ സുരക്ഷാ ഉദ്യോഗസ്ഥർ വധിക്കുകയും ചെയ്തു. ആറുമണിക്കൂറിലധികമാണ് ഏറ്റുമുട്ടൽ നീണ്ടുനിന്നത്.