മുംബൈ: പീഡനത്തിൽ നിന്നും രക്ഷപ്പെടാൻ 12കാരി കെട്ടിടത്തിന്‍റെ നാലാംനിലയിൽ നിന്നും ചാടി. 35 വയസ് പ്രായം തോന്നിക്കുന്ന അക്രമി കടന്നുപിടിക്കാൻ ശ്രമിച്ചപ്പോഴാണ് കെട്ടിടത്തിന്‍റെ മുകളില്‍ നിന്നും രക്ഷപെടാനായി 12 കാരി താഴേക്കു ചാടിയത്.
മുംബൈക്കടുത്തുള്ള അൽകാപുരിയിലാണ് സംഭവം നടന്നത്. ഏപ്രിൽ മൂന്നിനായിരുന്നു സംഭവം. വീഴ്ചയുടെ ആഘാതത്തില്‍ ഗുരുതര പരിക്കേറ്റ പെണ്‍കുട്ടിയെ ആശുപത്രിയില്‍ പ്രവേശിപ്പിച്ചു. കുട്ടിയുടെ നില ഗുരുതരമാണെന്ന് ആശുപത്രി വൃത്തങ്ങള്‍ അറിയിച്ചു. സംഭവവുമായി ബന്ധപ്പെട്ട് അജ്ഞാത വ്യക്തിക്കെതിരെ പൊലീസ് കേസെടുത്തു.
അഡ്രസ് അന്വേഷിച്ച് എത്തിയ പെൺകുട്ടിയെ അക്രമി തെറ്റിദ്ധരിപ്പിച്ച് കെട്ടിടത്തിലേക്ക് കൂട്ടി കൊണ്ടുപോകുകയായിരുന്നു. കെട്ടിടത്തിൽ വെച്ച് പെൺകുട്ടിയെ കടന്നുപിടിക്കാൻ ശ്രമിച്ചതോടെയാണ് പെൺകുട്ടി താഴേക്ക് ചാടിയത്. ഇതുകണ്ട തൊഴിലാളികൾ കാൻവാസ് ഷീറ്റ് ഉപയോഗിച്ച് പെൺകുട്ടിയെ രക്ഷപ്പെടുത്താൻ ശ്രമിച്ചിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.