‘നമ്മൾ ചാവക്കാട്ടുകാർ’ സൗദി ചാപ്റ്റർ ‘നമ്മൾസ് സി.എസ്.എൽ സീസൺ വൺ’ സെവൻസ് ടൂർണമെന്റ് ജേതാക്കൾ
റിയാദ്: ‘നമ്മൾ ചാവക്കാട്ടുകാർ’ സൗദി ചാപ്റ്റർ സംഘടിപ്പിച്ച ‘നമ്മൾസ് സി.എസ്.എൽ സീസൺ വൺ’ സെവൻസ് ഫുട്ബാൾ ടൂർണമെന്റ് സമാപിച്ചു. അൽ ഫനാർ ഫുട്ബാൾ ഗ്രൗണ്ടിൽ നടന്ന ഫൈനൽ മത്സരത്തിൽ ഒന്നിനെതിരെ രണ്ടു ഗോളുകൾക്ക് ബ്ലാസ്റ്റേഴ്സ് എഫ്.സിയെ പരാജയപ്പെടുത്തി ഫൈറ്റേഴ്സ് എഫ്.സി ജേതാക്കളായി. ഫൈസി ഫായിസ് ടോപ് സ്കോററായും ലാമിസ് ഇഖ്ബാൽ പ്ലെയർ ഓഫ് ദ ടൂർണമെന്റ് ആയും തെരഞ്ഞെടുക്കപ്പെട്ടു.
സാംസ്കാരിക സമ്മേളനത്തിൽ സ്പോർട്സ് വിഭാഗം കൺവീനർ സലിം പാവറട്ടി ആമുഖ പ്രസംഗം നടത്തി. ഉപദേശക സമിതി അംഗം ഫാറൂഖ് കുഴിങ്ങര ഉദ്ഘാടനം ചെയ്തു. ജാഫർ തങ്ങൾ അധ്യക്ഷത വഹിച്ചു. ഷാജഹാൻ ചാവക്കാട്, ഷാഹിദ് അറക്കൽ, ഫായിസ് ബീരാൻ, ഷഹീർ ബാബു, കബീർ വൈലത്തൂർ, ആരിഫ് വൈശ്യം വീട്ടിൽ എന്നിവർ സംസാരിച്ചു. ഫെർമിസ് മടത്തൊടിയിൽ സ്വാഗതവും മനാഫ് അബ്ദുല്ല നന്ദിയും പറഞ്ഞു.
ഫൈസൽ തറയിൽ സമ്മാനങ്ങൾ വിതരണം ചെയ്തു. ഖയ്യൂം അബ്ദുല്ല, ഷെഫീഖ് അലി, സിറാജുദ്ദീൻ ഓവുങ്ങൽ, ഇജാസ് മാട്ടുമ്മൽ, റഹ്മാൻ ചാവക്കാട്, അലി പൂത്താട്ടിൽ, സയ്യിദ് ഷാഹിദ്, അൻവർ അണ്ടത്തോട്, നൗഫൽ തങ്ങൾ തുടങ്ങിയവർ നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.