ശാഹി ഫുഡ്സ് ആൻഡ് സ്പൈസസ് മാനേജിങ് ഡയറക്ടർ മുഹമ്മദ് അശ്റഫ് ദീർഘകാല വിസ സ്വീകരിക്കുന്നു
മസ്കത്ത്: വാണിജ്യ, വ്യവസായ, നിക്ഷേപ പ്രോത്സാഹന മന്ത്രാലയം 10 വർഷത്തെ ദീർഘകാല റസിഡൻസി കാർഡുകൾ വിതരണം ചെയ്തു. ശാഹി ഫുഡ്സ് ആൻഡ് സ്പൈസസ് മാനേജിങ് ഡയറക്ടർ മുഹമ്മദ് അശ്റഫ്, ബാബിൽ ഗ്രൂപ്പ് ഓഫ് കമ്പനീസ് എം.ഡി. എസ്. മുഹമ്മദ് ബഷീർ, മലബാർ ഗോൾഡ് ആൻഡ് ഡയമണ്ട്‌സ് ഒമാൻ റീജനൽ ഹെഡ് കെ.നജീബ് തുടങ്ങിയ മലയാളികൾ ഉൾപ്പെടെ 26 വിദേശ നിക്ഷേപകർക്കാണ് അധികൃതർ റസിഡൻസി കാർഡുകൾ സമ്മാനിച്ചത്.
വാണിജ്യ മന്ത്രാലയത്തിൽ നടന്ന പരിപാടിയിൽ വാണിജ്യ, വ്യവസായ, നിക്ഷേപ പ്രോത്സാഹന മന്ത്രി ഖാഇസ് ബിൻ മുഹമ്മദ് അൽ യൂസഫ്, വാണിജ്യ, വ്യവസായ, നിക്ഷേപ പ്രോത്സാഹന മന്ത്രാലയം അണ്ടർസെക്രട്ടറി അസില ബിൻത് സലിം അൽ സംസാമി, മറ്റ് ഉന്നത ഉദ്യോഗസ്ഥർ എന്നിവർ സംബന്ധിച്ചു.
ബാബിൽ ഗ്രൂപ്പ് ഓഫ് കമ്പനീസ് എം.ഡി. എസ്. മുഹമ്മദ് ബഷീർ ദീർഘകാല വിസ സ്വീകരിക്കുന്നു
ദീർഘകാല വിസ അനുവദിച്ചതിൽ ഒമാനിലെ അധികൃതരോട് നന്ദിയുണ്ടെന്ന് ശാഹി ഫുഡ്സ് ആൻഡ് സ്പൈസസ് മാനേജിങ് ഡയറക്ടർ മുഹമ്മദ് അശ്റഫ്, ബാബിൽ ഗ്രൂപ്പ് ഓഫ് കമ്പനീസ് എം.ഡി. എസ്. മുഹമ്മദ് ബഷീർ, മലബാർ ഗോൾഡ് ആൻഡ് ഡയമണ്ട്‌സ് ഒമാൻ റീജനൽ ഹെഡ് നജീബ് എന്നിവർ പറഞ്ഞു.
മലബാർ ഗോൾഡ് ആൻഡ് ഡയമണ്ട്‌സ് ഒമാൻ റീജനൽ ഹെഡ് നജീബ് ദീർഘകാല വിസ സ്വീകരിക്കുന്നു
ഒമാനിൽ കൂടുതൽ തൊഴിൽ അവസരങ്ങൾ സൃഷ്ടിക്കുക,തദ്ദേശ ഉൽപന്നങ്ങൾക്ക് കൂടുതൽ സാധ്യത നൽകുക, ഒമാെൻറ സാമ്പത്തിക ഘടനയെ ശക്തിപ്പെടുത്തുക, നിക്ഷേപത്തിൽ ഗുണപരത ഉറപ്പുവരുത്തുക തുടങ്ങിയവയിലൂടെ നിർണായക നീക്കങ്ങൾ നടത്തുന്ന പ്രമുഖ നിക്ഷേപകരെയാണ് ഇങ്ങനെ ദീർഘകാല താമസാനുമതിക്ക് പരിഗണിക്കുക.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.