കു​വൈ​ത്തി​ൽ ‘ഓ​ണ​ർ കി​ല്ലി​ങ്’ നി​യ​മം റ​ദ്ദാ​ക്കാ​ൻ നീ​ക്കം

കു​വൈ​ത്ത് സി​റ്റി: വ്യ​ഭി​ചാ​ര​ത്തി​ൽ പി​ടി​കൂ​ട​പ്പെ​ട്ട ഭാ​ര്യ, മാ​താ​വ്, മ​ക​ൾ, സ​ഹോ​ദ​രി എ​ന്നി​വ​രെ കൊ​ല്ലു​ന്ന പു​രു​ഷ​ന്മാ​ർ​ക്ക് താ​ര​ത​മ്യേ​ന കാ​ഠി​ന്യം കു​റ​ഞ്ഞ ശി​ക്ഷ ല​ഭി​ക്കു​ന്ന ക്രി​മി​ന​ൽ നി​യ​മ​ത്തി​ലെ 153ാം വ​കു​പ്പ് കു​വൈ​ത്ത് റ​ദ്ദാ​ക്കാ​നൊ​രു​ങ്ങു​ന്നു. നീ​തി​ന്യാ​യ മ​ന്ത്രി നാ​സ​ർ അ​ൽ സു​മൈ​ത് ആ​ണ് ഇ​ക്കാ​ര്യം സൂ​ചി​പ്പി​ച്ച​ത്. ലിം​ഗ​ഭേ​ദം സൃ​ഷ്ടി​ക്കു​ക​യും അ​ന്താ​രാ​ഷ്ട്ര ത​ല​ത്തി​ൽ വി​മ​ർ​ശ​ന​ങ്ങ​ൾ നേ​രി​ടു​ക​യും ചെ​യ്യു​ന്ന ഈ ​വ​കു​പ്പ് ഇ​സ്‍ലാ​മി​ക ശ​രീ​അ​ത്തി​ൽ​നി​ന്ന് ഉ​രു​ത്തി​രി​ഞ്ഞ​ത​ല്ലെ​ന്നും ഇ​ത് റ​ദ്ദാ​ക്കി സ്ത്രീ​ക​ളു​ടെ കൊ​ല​പാ​ത​ക​ങ്ങ​ൾ മ​റ്റെ​ല്ലാ കൊ​ല​ക്കേ​സു​ക​ളും പോ​ലെ പ​രി​ഗ​ണി​ക്കു​മെ​ന്നും മ​ന്ത്രി വ്യ​ക്ത​മാ​ക്കി.

സ്ത്രീ​ക​ൾ​ക്കെ​തി​രെ​യു​ള്ള എ​ല്ലാ ത​ര​ത്തി​ലു​ള്ള വി​വേ​ച​ന​ങ്ങ​ളും ഇ​ല്ലാ​താ​ക്കാ​ൻ രാ​ജ്യം പ്ര​തി​ജ്ഞാ​ബ​ദ്ധ​മാ​ണെ​ന്ന് അ​ദ്ദേ​ഹം കൂ​ട്ടി​ച്ചേ​ർ​ത്തു. ഇ​തു​സം​ബ​ന്ധി​ച്ച നി​ർ​ദേ​ശം അ​ടു​ത്ത മ​ന്ത്രി​സ​ഭ യോ​ഗ​ത്തി​ൽ ച​ർ​ച്ച ചെ​യ്യും. അ​ന്താ​രാ​ഷ്ട്ര മ​നു​ഷ്യാ​വ​കാ​ശ മാ​ന​ദ​ണ്ഡ​ങ്ങ​ളു​മാ​യി യോ​ജി​ച്ചു​പോ​കു​ന്ന​താ​കും കു​വൈ​ത്തി​ലെ നി​യ​മ​ങ്ങ​ളു​മെ​ന്ന് മ​ന്ത്രി നാ​സ​ർ സു​മൈ​ത് വ്യ​ക്ത​മാ​ക്കി.