കുവൈത്ത് സിറ്റി: കുവൈത്തിൽ 79 ഇന്ത്യക്കാർ ഉൾപ്പെടെ 112 പേർക്ക് കൂടി കോവിഡ് സ്ഥിരീകരിച്ചു. ഇതോടെ രാജ്യത്ത് കോവിഡ് ബാധിച്ചവരുടെ എണ്ണം 855 ആയി. 111 പേർ രോഗമുക്തരായി. ഒരാളാണ് രാജ്യത്ത് മരിച്ചത്. ബാക്കി 743 പേരാണ് ചികിത്സയിലുള്ളത്.
21 പേരാണ് തീവ്രപരിചരണ വിഭാഗത്തിലാണ്. 77 ഇന്ത്യക്കാർ, ഒരു കുവൈത്തി, അഞ്ച് പാകിസ്ഥാനികൾ, എട്ട് ബംഗ്ലാദേശികൾ, ഒമ്പത് ഇൗജിപ്തുകാർ, ഒരു ജോർഡൻ പൗരൻ, ഒരു ഫിലിപ്പീൻസ് പൗരൻ, ഒരു നേപ്പാൾ പൗരൻ, ഒരു സിറിയക്കാൻ, ഒരു ഇറാൻ പൗരൻ എന്നിവർക്ക് നേരത്തെ രോഗം സ്ഥിരീകരിച്ചവരിൽനിന്നാണ് വൈറസ് പകർന്നത്.
രണ്ട് ബംഗ്ലാദേശികൾ, രണ്ട് ഇന്ത്യക്കാരൻ, ഒരു ഇൗജിപ്തുകാരൻ, ഒരു ബിദൂനി എന്നിവർക്ക് ഏതുവഴിയാണ് വൈറസ് ബാധിച്ചതെന്ന് വ്യക്തമല്ല. ഫ്രാൻസിൽനിന്ന് വന്ന കുവൈത്തിക്കും കോവിഡ് സ്ഥിരീകരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.