യുവ കപ്പ് ചാമ്പ്യന്മാരായ ഫ്ലീറ്റ് ലൈൻ എഫ്.സി
മനാമ: യുവ കപ്പ് സീസൺ ഒമ്പതിന്റെ അമേച്ചർ ടൂർണമെന്റിൽ ഫ്ലീറ്റ് ലൈൻ എഫ്.സി ചാമ്പ്യന്മാരായി. യുവ കേരള എഫ്.സി ബഹ്‌റൈനുമായി സഹകരിച്ച് ബഹ്‌റൈനിലെ പതിനാറ് പ്രമുഖ ഫുട്ബാൾ ടീമുകളെ പങ്കെടുപ്പിച്ച് സംഘടിപ്പിച്ച യുവ കപ്പ് സീസൺ ഒമ്പതിന്റെ അമേച്ചർ ടൂർണമെന്റിന്റെ ആവേശകരമായ കലാശപോരാട്ടത്തിൽ ബഹ്റൈൻ പ്രതിഭ എഫ്.സിയും ഫ്ലീറ്റ് ലൈൻ എഫ്.സിയും ഏറ്റുമുട്ടി. ഗോൾരഹിത സമനിലയിൽ പിരിഞ്ഞ ഫൈനൽ മത്സരത്തിൽ പെനാൽറ്റി ഷൂട്ടൗട്ടിൽ (3-2) ഫ്ലീറ്റ് ലൈൻ എഫ്.സി ഒന്നാം സ്ഥാനവും ബഹ്റൈൻ പ്രതിഭ എഫ്.സി രണ്ടാം സ്ഥാനം കരസ്ഥമാക്കി. ടൂർണമെന്റിൽ ഫ്ലീറ്റ് ലൈൻ എഫ്.സിയുടെ അഖിൽ ടൂർണമെന്റിലെ
മികച്ച കളിക്കാരനായും അൻഷാദ് മികച്ച ഡിഫൻഡറായും പ്രതിഭ എഫ്.സിയുടെ റാഷിദ്‌ മൂന്ന് ഗോളുകളടിച്ച് ടോപ് സ്കോററായും റാഷിദ്‌ ഏറ്റവും മികച്ച ഗോൾ കീപ്പറായും തെരഞ്ഞെടുക്കപ്പെട്ടു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.