മനാമ: വോയ്‌സ് ഓഫ് ആലപ്പി അൽ ഹിലാൽ ഹോസ്പിറ്റലിന്റെ സൽമാബാദ് ഹാളിൽ ‘സ്നേഹനിലാവ് 2023’ എന്ന പേരിൽ ബലിപെരുന്നാൾ ആഘോഷിച്ചു, ജോ. സെക്രട്ടറി അശോകൻ താമരക്കുളം സ്വാഗതം ആശംസിച്ചു. വോയ്‌സ് ഓഫ് ആലപ്പി കലാകാര കൂട്ടായ്മയായ ‘അരങ്ങ് ആലപ്പി’യുടെ നേതൃത്വത്തിൽ ഒപ്പനയും മറ്റു വിവിധ കലാപരിപാടികളും നടന്നു. വോയ്‌സ് ഓഫ് ആലപ്പി പ്രസിഡന്റ് സിബിൻ സലീം അധ്യക്ഷത വഹിച്ചു. സംഘടനയുടെ രക്ഷാധികാരിയും മുതിർന്ന മാധ്യമ പ്രവർത്തകനുമായ സോമൻബേബി ഉദ്ഘാടനം ചെയ്തു.
പ്രോഗ്രാം കോഓഡിനേറ്ററും വൈസ് പ്രസിഡന്റുമായ അനസ് റഹിം ഈദ് സന്ദേശം നൽകി. മെംബർഷിപ് കാർഡിന്റെ വിതരണ ഉദ്ഘാടനം ഇന്ത്യൻ സ്കൂൾ എക്സിക്യൂട്ടിവ് അംഗം അജയകൃഷ്ണൻ നിർവഹിച്ചു. രക്ഷാധികാരികളായ ഡോ. പി.വി. ചെറിയാൻ, യു.കെ. അനിൽകുമാർ, ജിജു ജേക്കബ്, വൈസ് പ്രസിഡന്റ് വിനയചന്ദ്രൻ, പ്രോഗ്രാം സബ് കൺവീനർ സുമൻ സഫറുല്ല, വനിത വിഭാഗം സെക്രട്ടറി രശ്മി അനൂപ് എന്നിവർ സംസാരിച്ചു. കല വിഭാഗം സെക്രട്ടറി ദീപക് തണൽ ആയിരുന്നു അവതാരകൻ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.