യു.എ.ഇ പാർലമെൻറ് പ്രതിനിധി സംഘത്തെ സ്പീക്കർ ഫൗസിയ ബിൻത് അബ്ദുല്ല
സൈനലിെൻറ നേതൃത്വത്തിൽ സ്വീകരിക്കുന്നു
മനാമ: യു.എ.ഇ ഫെഡറൽ നാഷനൽ കൗൺസിൽ സ്പീക്കർ സഖർ ഗബാഷിെൻറ നേതൃത്വത്തിലെ പാർലമെൻറ് പ്രതിനിധി സംഘം ബഹ്റൈൻ സന്ദർശനത്തിനെത്തി. ബഹ്റൈൻ അന്താരാഷ്ട്ര വിമാനത്താവളത്തിൽ എത്തിയ സംഘത്തെ ബഹ്റൈൻ പാർലമെൻറ് സ്പീക്കർ ഫൗസിയ ബിൻത് അബ്ദുല്ല സൈനലും സെക്കൻഡ് ഡെപ്യൂട്ടി സ്പീക്കർ അലി അഹ്മദ് സായിദും ചേർന്ന് സ്വീകരിച്ചു. പാർലമെൻററി രംഗത്തെ സഹകരണം വർധിപ്പിക്കുന്നതിെൻറ ഭാഗമായുള്ള സന്ദർശനത്തെ ഇരു രാജ്യവും പ്രാധാന്യത്തോടെയാണ് കാണുന്നത്. വിവിധ സർക്കാർ പ്രതിനിധികളുമായി സംഘം ചർച്ച നടത്തും.
പാർലമെൻറ്, ജനാധിപത്യം എന്നീ മേഖലകളിൽ യു.എ.ഇയുമായി സഹകരിക്കാൻ സന്ദർശനം വഴിയൊരുക്കുമെന്ന് സൈനൽ പ്രതീക്ഷ പ്രകടിപ്പിച്ചു. ഇരുരാജ്യങ്ങളും തമ്മിൽ നിലനിൽക്കുന്ന ബന്ധവും വിവിധ മേഖലകളിലെ സഹകരണവും പാർലമെൻററി മേഖലയിലേക്ക് കൂടി വ്യാപിപ്പിക്കാൻ സാധിക്കുമെന്നത് സന്തോഷകരമാണ്. സൈനലിന്‍റെ ക്ഷണ പ്രകാരമാണ് യു.എ.ഇ സംഘം ബഹ്റൈൻ സന്ദർശിക്കുന്നത്. ഇരു രാജ്യങ്ങളിലെയും പാർലമെൻറുകൾ തമ്മിൽ വിവിധ മേഖലകളിൽ സഹകരിക്കുന്നതിനുള്ള കരാറുകളിലും ഒപ്പുവെക്കും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.