കൊണ്ടോട്ടി മണ്ഡലം കെ.എം.സി.സി നടത്തിയ പ്രസംഗമത്സരത്തിൽ ഒന്നാം സ്ഥാനം നേടിയ ബഷീർ പി. കാക്കുനിക്ക് ഉപഹാരം നൽകുന്നു
മനാമ: ബഹ്റൈനിൽ നിര്യാതനായ സുബൈറിന്റെ നിരാലംബരായ കുടുംബത്തെ സഹായിക്കുന്നതിനുവേണ്ടി വെസ്റ്റ് റിഫാ കെ.എം.സി.സി സമാഹരിച്ച സഹായനിധിയുടെ കൈമാറ്റവും കൊണ്ടോട്ടി മണ്ഡലം കെ.എം.സി.സി നടത്തിയ പ്രസംഗ മത്സരത്തിൽ ഒന്നാം സ്ഥാനം നേടിയ ബഷീർ പി. കാക്കുനിക്കുള്ള അനുമോദനവും തെന്നല മൊയ്ദീൻ ഹാജിയുടെ മജ്ലിസിൽ നടന്നു. വെസ്റ്റ് റിഫാ കെ.എം.സി.സി പ്രസിഡന്റ് ഹുസൈൻ കണ്ണൂർ അധ്യക്ഷത വഹിച്ചു.
പരിപാടി കെ.എം.സി.സി സംസ്ഥാന ജനറൽ സെക്രട്ടറി അസൈനാർ കളത്തിങ്കൽ ഉദ്ഘാടനം ചെയ്തു. ബഷീർ കാക്കുനിക്ക് സംസ്ഥാന ഓർഗനൈസിങ് സെക്രട്ടറി കെ.പി. മുസ്തഫ മെമന്റോ നൽകി. മുൻ സംസ്ഥാന പ്രസിഡന്റും സി.എച്ച് സെന്റർ പ്രസിഡന്റുമായ എസ്.വി. ജലീൽ ഷാൾ അണിയിച്ചു. സുബൈറിന്റെ കുടുംബസഹായ ഫണ്ട് പ്രസിഡന്റ് ഹുസൈനിൽനിന്ന് അൽകാബി ബഷീർ സ്വീകരിച്ചു.
സംസ്ഥാന നേതാക്കളായ ഒ.കെ. കാസിം, റാഫിഖ് തൊട്ടക്കര, കെ.പി. മുസ്തഫ, കോഴിക്കോട് ജില്ല കെ.എം.സി.സി സെക്രട്ടറി ഷാഫി വേളം, ഈസ്റ്റ് റിഫാ ഏരിയ ആക്ടിങ് പ്രസിഡന്റ് ഉമ്മർ തുടങ്ങിയവർ സംസാരിച്ചു.ഇസ്മായിൽ റഹ്മാനി സ്വാഗതവും വെസ്റ്റ് റിഫാ കെ.എം.സി.സി ട്രഷർ നാസർ കല്ലാച്ചി നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.