മനാമ: ഒത്തൊരുമയുടെയും സാഹോദര്യത്തിന്റെയും സന്ദേശം വിളിച്ചോതി ആഗോള പ്രവാസി കൂട്ടായ്മയായ ഇടപ്പാളയം ബഹ്റൈന് ചാപ്റ്ററിന്റെ ഇഫ്താർ സൗഹൃദ സംഗമം അംഗങ്ങളുടെ നിറസ്സാന്നിധ്യംകൊണ്ട് ശ്രദ്ധേയമായി. ഇന്ത്യൻ ഡിലൈറ്റ് റസ്റ്റാറന്റ് ഹാളിൽ സംഘടിപ്പിച്ച പരിപാടിയിൽ ബഹ്റൈൻ ചാപ്റ്റർ പ്രസിഡന്റ് വിനീഷ് കേശവൻ അധ്യക്ഷത വഹിച്ചു.
ജനറൽ സെക്രട്ടറി ഷമീല സ്വാഗതം ആശംസിച്ചു.സംഘടനയുടെ രക്ഷാധികാരികളായ പാർവതി ദേവദാസ്, ഷാനവാസ് പുത്തൻവീട്ടിൽ, മുൻ ഭാരവാഹികളായ സനാഫ് റഹ്മാൻ, ഫൈസൽ മാണൂർ, ഫൈസൽ അനൊടിയിൽ എന്നിവർ പരിപാടിയിൽ പങ്കെടുത്ത് ഊഷ്മളമായ ആശംസകൾ നേർന്നു. ഇടപ്പാളയം ട്രഷറർ ശിവപ്രസാദ് നന്ദി അറിയിച്ചുകൊണ്ട് പരിപാടിക്ക് പരിസമാപ്തി കുറിച്ചു. ഇഫ്താർ സംഗമം സാഹോദര്യത്തിന്റെയും ഒരുമയുടെയും മഹനീയ സന്ദേശം ഉയർത്തിപ്പിടിച്ചതായി സംഘാടക സമിതി പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.