യുവ ഗായകൻ മുഹമ്മദ് ഇസ്മായിലിന് ബഹ്ൽറൈനിൽ നൽകിയ സ്വീകരണം
മനാമ: മലപ്പുറം ജില്ല പ്രവാസി അസോസിയേഷൻ ഇരുപതാം വാർഷികാഘോഷത്തിന് ‘പാട്ടുഹോളിക് ’ എന്ന പേരിൽ പ്രശസ്തനായ യുവ ഗായകൻ മുഹമ്മദ് ഇസ്മായിൽ ബഹ്റൈനിലെത്തി. ഇന്ത്യൻ ക്ലബിൽ ഈദ് രണ്ടാം ദിവസം ശനിയാഴ്ച ഏഴു മണിക്ക് സ്റ്റാർ വിഷൻ ബാനറിൽ നടത്തുന്ന വിവിധ കലാപരിപാടികളോടുകൂടിയ എം.ജെ.പി.എ ആഘോഷ പരിപാടികളിലെ മുഖ്യ ആകർഷണമാണ് ‘പാട്ടുഹോളിക്’ സംഗീത സന്ധ്യ. ബഹ്റൈൻ എയർപോർട്ടിലെത്തിയ മുഹമ്മദ് ഇസ്മായിലിനെ എം.ജെ.പി.എ രക്ഷാധികാരി നാസർ മഞ്ചേരി ബോക്കെ നൽകി സ്വീകരിച്ചു. ജനറൽ സെക്രട്ടറി പ്രവീൺ മേൽപത്തൂർ, ആദിൽ പറവത്ത്, മനോജ്, ഖൽഫാൻ, സാജൻ ചെറിയാൻ, സലാം മാസ്റ്റർ, കരീം മോൻ, നിയാസ് നാസർ, ഷഹീൻ ജലാൽ, ശംസുദ്ദീൻ, ഇബ്രാഹിം സാനിദ്, ഫൈസൽ തുടങ്ങിയവർ സന്നിഹിതരായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.