മനാമ: യുവജന സംഘടനയായ യൂത്ത് ഇന്ത്യയുടെ 2024 -2025 കാലയളവിലേക്കുള്ള ഭാരവാഹികളെ തെരഞ്ഞെടുത്തു. അജ്മൽ ശറഫുദ്ദീനാണ് പ്രസിഡന്റ്. ബഹ്റൈനിലെ ഇബ്നുൽ ഹൈതം സ്കൂൾ, ഇന്ത്യൻ സ്കൂൾ എന്നിവിടങ്ങളിൽനിന്ന് സ്കൂൾ വിദ്യാഭ്യാസം പൂർത്തിയാക്കിയ ഇദ്ദേഹം കണ്ണൂർ ചക്കരക്കല്ല് സ്വദേശിയാണ്.
ബഹ്റൈൻ യൂനിവേഴ്സിറ്റിയിൽനിന്ന് കെമിക്കൽ എൻജിനീയറിങ്ങിൽ ബിരുദവും കരസ്ഥമാക്കിയിട്ടുണ്ട്. കോഴിക്കോട് കായണ്ണ സ്വദേശിയായ ജുനൈദ് പി.പി ആണ് ജനറൽ സെക്രട്ടറി. കാലിക്കറ്റ് യൂനിവേഴ്സിറ്റിയിൽനിന്ന് ബിരുദവും സാമ്പത്തിക ശാസ്ത്രത്തിൽ ബിരുദാനന്തര ബിരുദവും കരസ്ഥമാക്കിയിട്ടുണ്ട്. വൈസ് പ്രസിഡന്റായി യൂനുസ് സലിം, മുഹമ്മദ് ജൈസൽ എന്നിവരെയും തെരഞ്ഞെടുത്തു. സാജിർ ഇരിക്കൂറാണ് ജോയന്റ് സെക്രട്ടറി. അബ്ദുൽ അഹദ്, ഇജാസ്, അൽത്താഫ് എന്നിവരെ എക്സിക്യൂട്ടിവ് അംഗങ്ങളായും തെരഞ്ഞെടുത്തു.സിഞ്ചിലെ ഫ്രൻഡ്സ് ആസ്ഥാനത്ത് നടന്ന തെരഞ്ഞെടുപ്പിന് യൂത്ത് ഇന്ത്യ രക്ഷാധികാരി സഈദ് റമദാൻ നദ് വി, ഫ്രൻഡ്സ് എക്സിക്യൂട്ടിവ് അംഗം ജലീൽ എന്നിവർ നേതൃത്വം നൽകി. മുതിർന്ന പ്രവർത്തകർക്കുള്ള യാത്രയയപ്പും ചടങ്ങിൽ നടന്നു.
മുൻ പ്രസിഡന്റ് അനീസ് വി.കെ, ആഷിഫ്, റിയാസ് എന്നിവർക്കുള്ള ഉപഹാരം സഈദ് റമദാൻ നദ്വി വിതരണം ചെയ്തു. രക്ഷാധികാരിയുടെ അധ്യക്ഷതയിൽ ചേർന്ന യോഗത്തിൽ അനീസ് വി.കെ ആമുഖ ഭാഷണം നടത്തി. അജ്മൽ ഷറഫുദ്ദീൻ സമാപന പ്രസംഗം നിർവഹിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.