മുഹറഖ് മലയാളി സമാജം മേയ്ദിനാഘോഷം
മനാമ: മുഹറഖ് മലയാളി സമാജം മേയ്ദിനാഘോഷ ഭാഗമായി എരിയുന്ന വയറിനൊരു കൈത്താങ്ങ് പദ്ധതിയിൽപെടുത്തി ഭക്ഷണവിതരണം നടത്തി. എം.എം.എസ് വനിതാ വിഭാഗത്തിന്റെയും ചാരിറ്റി വിഭാഗത്തിന്റെയും നേതൃത്വത്തിൽ സൽമാനിയയിലുള്ള തൊഴിലാളി ക്യാമ്പിലാണ് വിതരണം നടത്തിയത്. പ്രസിഡന്റ് അനസ് റഹീമിന്റെ അധ്യക്ഷതയിൽ നടന്ന ചടങ്ങ് ഇന്ത്യൻ സ്കൂൾ എക്സി. അംഗം ബിജു ജോർജ് ഉദ്ഘാടനംചെയ്തു.
സാമൂഹിക പ്രവർത്തകരായ സെയ്ദ് ഹനീഫ്, മനോജ് വടകര എന്നിവർ സംസാരിച്ചു. സെക്രട്ടറി സുനിൽ കുമാർ സ്വാഗതവും ട്രഷറർ ശിവശങ്കർ നന്ദിയും പറഞ്ഞു. എം.എം.എസ് ഭാരവാഹികളായ അബ്ദുൽ മൻഷീർ, ദിവ്യ പ്രമോദ്, പ്രമോദ് കുമാർ വടകര, മൊയ്ദി ടി.എം.സി, മുൻ പ്രസിഡന്റ് അൻവർ നിലമ്പൂർ, വനിതാ വേദി കൺവീനർ ഷൈനി മുജീബ്, ബിജിൻ ബാലൻ എന്നിവർ നേതൃത്വം നൽകി. ജേക്കബ് തെക്കിൻതോട്, ദീപക് തണൽ, ജയേഷ് താന്നിക്കൽ, തോമസ് ഫിലിപ്പ്, അക്ബർ താമരക്കുളം, മുബീന മൻഷീർ എന്നീ സാമൂഹിക സംഘടന നേതാക്കൾ സംബന്ധിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.