ബഹ്റൈൻ ലാല്കെയേഴ്സിന്റെ നേതൃത്വത്തിൽ ‘എമ്പുരാൻ’ സിനിമ കാണാനെത്തിയപ്പോൾ
മനാമ: ലൂസിഫര് എന്ന സിനിമയുടെ തുടര്ച്ചയായി ഹോളിവുഡ് നിർമാണ രീതിയില് ഇറങ്ങിയ മോഹന്ലാല് ചിത്രമായ എമ്പുരാന് ബഹ്റൈന് ലാല്കെയേഴ്സിന്റെ നേതൃത്വത്തില് ബഹ്റൈനില് രാജകീയ വരവേല്പ് ഒരുക്കി. ബാൻഡ് മേളവും ഫ്ലാഷ് ഡാന്സുകളും നിറഞ്ഞ ആഘോഷപരിപാടികളില് നിരവധി ആളുകള് പങ്കാളികളായി. ലാല്കെയേഴ്സ് അംഗങ്ങളടക്കം സിനിമ കാണാനെത്തിയ ഭൂരിഭാഗം പേരും കറുത്ത വേഷത്തിലാണ് തിയറ്ററുകളിലെത്തിയത്. എപ്പിക്സ് തിയറ്ററും ദാനാ മാളും തിങ്ങിനിറഞ്ഞ ജനങ്ങളില് മുഴുവന് ഒരു സിനിമ എന്നതിലുപരി അവര് കാത്തിരുന്ന ഒരു ഉത്സവം എത്തിച്ചേര്ന്നു എന്ന പോലെ ആവേശം നിറഞ്ഞ ഒന്നായിരുന്നു.
ഒരു മലയാള സിനിമയുടെ ഒതുക്കത്തില്നിന്നും ഒരു ഹോളിവുഡ് സിനിമാരീതിയില് ഇന്റര് നാഷനല് നിലവാരത്തില് എത്തിച്ച ഒരു മലയാളസിനിമ അതും മലയാളത്തിന്റെ സ്വന്തം മോഹന്ലാലിന്റെ ഭാവപ്പകര്ച്ചയില് കണ്ട ആവേശത്തിലും സന്തോഷത്തിലുമാണ് സിനിമ കണ്ട മുഴുവന് പ്രവാസികളുമെന്ന് ലാല് കെയേഴ്സ് സാരഥികളായ ജഗത്കൃഷ്ണകുമാര്, ഫൈസല് എഫ്.എം, ഷൈജു കമ്പ്രത്ത്, അരുണ് ജി. നെയ്യാര് എന്നിവര് പറഞ്ഞു. പുലര്ച്ച 3.30ന് തുടങ്ങി അര്ധ രാത്രി വരെ തുടര്ന്ന അഞ്ചോളം ഫാന്സ് ഷോകള്ക്കും, റേഡിയോ യു.ആര്.എഫ്.എം അംഗങ്ങളായ ഷിബു മലയില് സുമേഷ് തുടങ്ങിയവരും മോഹന്ലാല് സ്നേഹികളായ നിരവധി ആളുകളും നിറഞ്ഞുനിന്ന ആഘോഷ പരിപാടികള്ക്കും ജെയ്സണ്, വിഷ്ണുവിജയന്, വിപിന് രവീന്ദ്രന്, നന്ദന്, അരുൺ തൈകാട്ടില്, അഖില്, നിധിന് തമ്പി, പ്രദീപ്, ബിപിന്, വൈശാഖ് എന്നിവര് നേതൃത്വം നല്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.