കെ.പി.എഫ് ലേഡീസ് വിങ് സംഘടിപ്പിച്ച ഇഫ്താർ വിരുന്ന്
മനാമ: കോഴിക്കോട് ജില്ല പ്രവാസി ഫോറം ലേഡീസ് വിങ് അന്താരാഷ്ട്ര വനിതദിനാചരണ ഭാഗമായി കെ.സി.എ ഓഡിറ്റോറിയത്തിൽ ഇഫ്താർ വിരുന്ന് സംഘടിപ്പിച്ചു. കോഴിക്കോട് ജില്ലയിലെ വിവിധ പ്രദേശങ്ങളിൽ റമദാൻ കാലങ്ങളിൽ സുലഭമായി തയാറാക്കുന്ന വിവിധതരം പലഹാരങ്ങൾ ലേഡീസ് വിങ് അംഗങ്ങളുടെ നേതൃത്വത്തിൽ വീട്ടിൽതന്നെ ഉണ്ടാക്കി നോമ്പുതുറക്ക് എത്തിച്ചത് ശ്രദ്ധയാകർഷിച്ചു.
നോമ്പുതുറയോടൊപ്പം വനിതദിനാഘോഷ ഭാഗമായി കൺവീനർ സജ്ന ഷനൂബ്, ജോയന്റ് കൺവീനർ അഞ്ജലി സുജീഷ്, മറ്റു അംഗങ്ങൾ എന്നിവർ ചേർന്ന് കേക്ക് മുറിച്ച് ആഘോഷങ്ങക്ക് തുടക്കംകുറിച്ചു. കെ.പി.എഫ് പ്രസിഡന്റ് സുധീർ തിരുനിലത്ത്, ജനറൽ സെക്രട്ടറി അരുൺ പ്രകാശ്, ട്രഷറർ സുജിത്ത് സോമൻ, രക്ഷാധികാരി കെ.ടി. സലിം, ലേഡീസ് വിങ് മെംബർമാർ, കുടുംബാംഗങ്ങൾ, എക്സിക്യൂട്ടിവ് മെംബർമാർ എന്നിവർ പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.