കെ.പി.എ ചിൽഡ്രൻസ് പാർലമെന്റ് കാബിനറ്റ് അംഗങ്ങൾ അധികാരമേറ്റപ്പോൾ
മനാമ: കൊല്ലം പ്രവാസി അസോസിയേഷൻ കുട്ടികളുടെ വിഭാഗമായ കെ.പി.എ ചിൽഡ്രൻസ് പാർലമെന്റ് കാബിനറ്റ് അംഗങ്ങൾ സത്യപ്രതിജ്ഞ ചെയ്ത് അധികാരമേറ്റു. അബൂബക്കർ മുഹമ്മദ് (പാർലമെന്റ് സെക്രട്ടറി), മുഹമ്മദ് യാസീൻ (പ്രധാനമന്ത്രി), രമിഷ പി. ലാൽ (സ്പീക്കർ), അമൃതശ്രീ ബിജു (ധനകാര്യ മന്ത്രി), മിഷേൽ പ്രിൻസ് (വിദ്യാഭ്യാസ മന്ത്രി), ദേവിക അനിൽ (സാംസ്കാരിക മന്ത്രി), സന ഫാത്തിമ (കായിക മന്ത്രി) എന്നിവരാണ് കാബിനറ്റ് അംഗങ്ങൾ.
ഇന്ത്യൻ സ്കൂൾ ചെയർമാനും കെ.പി.എ രക്ഷാധികാരിയുമായ പ്രിൻസ് നടരാജൻ കുട്ടികളുടെ പാർലമെന്റിന്റെ പ്രവർത്തനോദ്ഘാടനം നിർവഹിച്ചു. കെ.പി.എ പ്രസിഡന്റ് നിസാർ കൊല്ലം അധ്യക്ഷത വഹിച്ചു. ചിൽഡ്രൻസ് വിങ് കൺവീനർ അനിൽ കുമാർ സ്വാഗതവും കൺവീനർ ജ്യോതി പ്രമോദ് നന്ദിയും പറഞ്ഞു. ന്യൂ ഇന്ത്യൻ സ്കൂൾ പ്രിൻസിപ്പൽ ഗോപിനാഥ് മേനോൻ, സാമൂഹിക പ്രവർത്തകരായ സയ്യിദ് ഹനീഫ്, ഹരീഷ് നായർ, അനിൽ നിലമ്പൂർ, യൂസുഫ്, കെ.പി.എ ജനറൽ സെക്രട്ടറി ജഗത് കൃഷ്ണകുമാർ എന്നിവർ ആശംസകൾ അറിയിച്ചു.
ചിൽഡ്രൻസ് വിങ് കോഓഡിനേറ്റർ അനോജ് മാസ്റ്റർ, കൺവീനർമാരായ കൃഷ്ണകുമാർ, റോജി ജോൺ, മറ്റു സെക്രട്ടേറിയറ്റ് കമ്മിറ്റി അംഗങ്ങളായ കിഷോർ കുമാർ, സന്തോഷ് കാവനാട്, ബിനു കുണ്ടറ എന്നിവർ പരിപാടികൾക്ക് നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.