കാക്കൂരിലെ ബഹ്റൈൻ പ്രവാസികളുടെ കൂട്ടായ്മ
മനാമ: ബഹ്റൈൻ പ്രവാസികളായ കോഴിക്കോട് ജില്ലയിലെ കാക്കൂർ പഞ്ചായത്തിൽ ഉൾപ്പെടുന്ന ഈന്താട് പ്രദേശത്തുനിന്നുള്ള ആളുകളുടെ കൂട്ടായ്മ രൂപംകൊണ്ടു. മനാമ എക്സ്പ്രസ്സ് റസ്റ്റാറന്റ് ഹാളിൽ ആദ്യ യോഗം നടന്നു. ഷംഷാദ് കാക്കൂർ സ്വാഗതം പറഞ്ഞ പരിപാടിയിൽ, റിയാസ് ടി.കെ അധ്യക്ഷത വഹിച്ചു. മുഹമ്മദ് റാഫി യോഗം ഉദ്ഘാടനം ചെയ്ത് സംസാരിച്ചു. ഈന്താട് പ്രദേശത്തുകാരുടെ കമ്മിറ്റി രൂപീകരണം വരും ദിവസങ്ങളിൽ നടത്തുന്നതായിരിക്കുമെന്ന് സംഘാടകർ അറിയിച്ചു.
കൂട്ടായ്മയുടെ ലക്ഷ്യങ്ങളെക്കുറിച്ചും ഭാവി പരിപാടികളെക്കുറിച്ചും വിശദമായി യോഗം ചർച്ച ചെയ്തു. പരിപാടിയിൽ അതിഥികളായി നാട്ടിൽ നിന്നുമെത്തിയ മുഹമ്മദിനെയും, സൗദിയിൽ നിന്നും എത്തിയ റഷീദ് പറമ്പോനയെയും സ്നേഹോപഹാരം നൽകി ആദരിച്ചു. അബ്ദുൽ റഷീദ്, അഷ്റഫ്, രാജേഷ്, നസീർ പി.കെ, അബ്ദുൽ സലാം, സുബിനാസ്, അൻസാർ, ജസീൽ പറമ്പത്ത് എന്നിവർ ആശംസകൾ അറിയിച്ചു സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.