മനാമ: വ്യക്തിഗത, സാമ്പത്തിക വിവരങ്ങൾ ആവശ്യപ്പെടുന്ന തട്ടിപ്പ് സന്ദേശങ്ങൾക്കെതിരെ മുന്നറിയിപ്പുമായി ഇൻഫർമേഷൻ ആൻഡ് ഇ-ഗവൺമെന്റ് അതോറിറ്റി (ഐ.ജി.എ). ഇത്തരം സന്ദേശങ്ങൾക്ക് മറുപടി നൽകുകയോ ലിങ്കുകൾ ക്ലിക്ക് ചെയ്യുകയോ വിവരങ്ങൾ പങ്കിടുകയോ ചെയ്യരുതെന്ന് ഐ.ജി.എ പൊതുജനങ്ങളോട് ആവശ്യപ്പെട്ടു.
കൂടാതെ, ദേശീയ പോർട്ടലായ bahrain.bhലെ വിവരങ്ങൾ ചോർന്നുവെന്ന വാർത്തകൾ തെറ്റാണെന്നും ഐ.ജി.എ വ്യക്തമാക്കി. സംശയാസ്പദമായ സന്ദേശങ്ങൾ ലഭിക്കുന്നവർ 80008001 എന്ന നമ്പറിൽ സർക്കാർ സേവന കോൺടാക്റ്റ് സെന്ററുമായി ബന്ധപ്പെടണം. മൈ ഗ വ് ആപ് വഴിയോ 922 എന്ന ഹോട്ട്ലൈൻ വഴിയോ സൈബർ ക്രൈം ഡയറക്ടറേറ്റിൽ ഇക്കാര്യം റിപ്പോർട്ട് ചെയ്യണമെന്നും ഐ.ജി.എ ആവശ്യപ്പെട്ടു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.