അൽ ഹിദായ മലയാളം യൂത്ത് കൂട്ടായ്മയുടെ കീഴിൽ സംഘടിപ്പിച്ച ഫോക്കസ് പ്രഫഷനൽ മീറ്റിൽനിന്ന്
മനാമ: അൽ ഹിദായ മലയാളം യൂത്ത് കൂട്ടായ്മയുടെ കീഴിൽ ഹൂറ അൽ റയ്യാൻ സ്റ്റഡി സെന്റർ ആസ്ഥാനത്ത് ഫോക്കസ് പ്രഫഷനൽ മീറ്റ് സംഘടിപ്പിച്ചു. അൽ ഹിദായ ജനറൽ സെക്രട്ടറി റിസാലുദ്ദീൻ പുന്നോൽ അധ്യക്ഷത വഹിച്ച പരിപാടിയിൽ ഷമീർ ഫാറൂഖി ആമുഖ ഭാഷണം നടത്തി. ദൈവ മാഹാത്മ്യത്തെക്കുറിച്ചുള്ള അറിവാണ് ജീവിതത്തെ ശരിയായരീതിയിൽ മുന്നോട്ടുകൊണ്ടുപോകാനുള്ള മാർഗമെന്ന് അദ്ദേഹം പറഞ്ഞു. ഭൗതിക സുഖങ്ങളിൽ മുഴുകാനുള്ളതാണ് ജീവിതമെന്ന മിഥ്യാധാരണ എടുത്തുകളയണം. അവകാശങ്ങളെ ചോദിച്ചുവാങ്ങുന്നതുപോലെ തന്നെ ഉത്തരവാദിത്തത്തെ കുറിച്ചും നാം ബദ്ധശ്രദ്ധരാകണമെന്നും അദ്ദേഹം പറഞ്ഞു. മുഖ്യാതിഥിയും പണ്ഡിതനുമായ അർഷദ് ബിൻ ഹംസ പ്രഭാഷണം നടത്തി. ബഹ്റൈന്റെ വിവിധ ഭാഗങ്ങളിൽനിന്ന് സ്ത്രീകളടക്കം നിരവധിപേർ പരിപാടിയിൽ പങ്കെടുത്തു. ഫോക്കസ് കോഓഡിനേറ്റർ സുഹാദ് ബിൻ സുബൈർ സ്വാഗതവും സാദിഖ് ബിൻ യഹ്യ നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.