മനാമ: പ്രവാസി ഭാരതീയ സമ്മാൻ ജേതാവായ വ്യവസായി വി.കെ.രാജശേഖരൻ പിള്ളക്ക് ബഹ്റൈൻ കേരളീയ സമാജം സ്വീകരണം നൽകുന്നു. ഇൗ മാസം ആറിന് വൈകീട്ട് 6.30ന് സമാജം ഹാളിൽ നടക്കുന്ന പരിപാടിയിൽ മഹാരാഷ്ട്ര മുൻ ഗവർണറും കോൺഗ്രസ് നേതാവുമായ കെ.ശങ്കരനാരായണൻ മുഖ്യാതിഥിയായി പെങ്കടുക്കുമെന്ന് ഭാരവാഹികൾ വാർത്താസമ്മേളനത്തിൽ പറഞ്ഞു. ഇതോടനുബന്ധിച്ച് സുദീപ് കുമാർ, രഞ്ജിനി ജോസ്, സലീഷ്, സിയ ഉൾഹഖ്, യാസിർ, നസീർ തുടങ്ങിയവർ പെങ്കടുക്കുന്ന സംഗീത നിശയും അരങ്ങേറും.
പരിപാടിയുടെ വിജയത്തിനായി വർഗീസ് കാരക്കൽ ജന.കൺവീനറായി കമ്മിറ്റി നിലവിൽ വന്നിട്ടുണ്ട്. വാർത്താസമ്മേളനത്തിൽ പ്രസിഡൻറ് പി.വി. രാധാകൃഷ്ണ പിള്ള, സെക്രട്ടറി എൻ.കെ. വീരമണി, ദേവദാസ് കുന്നത്ത്, ആഷ്ലി ജോർജ്, വർഗീസ് കാരക്കൽ എന്നിവർ പെങ്കടുത്തു. മാന്നാർ സ്വദേശിയായ വി.കെ.രാജശേഖരൻ പിള്ള 70കളുടെ അവസാനം മുംബൈയിലാണ് ഒൗദ്യോഗിക ജീവിതം തുടങ്ങുന്നത്. പിന്നീട് സൗദി പ്രവാസിയായി.
ജോലി വിട്ട് ബിസിനസ് രംഗത്തേക്ക് കടന്ന അദ്ദേഹം ബഹ്റൈനിൽ നാഷണൽ ഫയർ ഫൈറ്റിങ് കമ്പനി സ്ഥാപിച്ചു. നിലവിൽ ഇന്ത്യ, യു.കെ, യു.എ. ഇ, ബഹ്റൈൻ, സൗദി, സിംഗപ്പൂർ എന്നിവിടങ്ങളിലായി പ്രവർത്തിക്കുന്ന 14 കമ്പനികളുടെ ഉടമയാണ്. ഇദ്ദേഹത്തിെൻറ സ്ഥാപനങ്ങളിൽ വിവിധ നാടുകളിൽ നിന്നുള്ള 2,000ത്തിലധികം പേർ ജോലി ചെയ്യുന്നുണ്ട്. ചാരിറ്റി രംഗങ്ങളിലും സജീവമാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.