മനാമ: ബഹ്റൈനിൽനിന്ന് ജോലി സംബന്ധമായി സൗദിയിലേക്കു പോകുന്ന ബ്ലഡ് ഡോണേഴ്സ് കേരള (ബി.ഡി.കെ) ബഹ്റൈൻ ചാപ്റ്ററിന്റെ കോഓഡിനേറ്റർ നിതിൻ ശ്രീനിവാസന് ബി.ഡി.കെ എക്സിക്യൂട്ടിവ് കമ്മിറ്റി യാത്രയയപ്പ് നൽകി. ബഹ്റൈനിൽ വരുന്നതിന് മുന്നേ നാട്ടിലും ബി.ഡി.കെയുടെ സജീവ പ്രവർത്തകനായിരുന്ന നിതിൻ രക്തദാന പ്രവർത്തനത്തിനും മറ്റുള്ളവരെ രക്തദാന ക്യാമ്പുകളിൽ എത്തിക്കുന്നതിനും വഹിക്കുന്ന പങ്കിനെ എക്സിക്യൂട്ടിവ് കമ്മിറ്റി പ്രശംസിച്ചു.
ചെയർമാൻ കെ.ടി. സലിം, പ്രസിഡന്റ് റോജി ജോൺ, ജനറൽ സെക്രട്ടറി ജിബിൻ ജോയ്, ട്രഷറർ സാബു അഗസ്റ്റിൻ എന്നിവർ ചാപ്റ്ററിന്റെ ഉപഹാരം നിതിന് കൈമാറി. വൈസ് പ്രസിഡന്റ് സിജോ ജോസ്, എക്സിക്യൂട്ടിവ് കമ്മിറ്റി അംഗങ്ങളായ അശ്വിൻ രവീന്ദ്രൻ, സുനിൽ, രാജേഷ് പന്മന, സലീന റാഫി, സഹല ഫാത്തിമ, അബ്ദുൽ നാഫി, പ്രസാദ് എന്നിവരും സന്നിഹിതരായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.