ആലില പൊഴിയും പോൽ
പറക്കമുറ്റാതെ ആലിൻ തൻ കുഞ്ഞു മേനി
പകുത്തു നൽകി അവയവദാനത്തിൻ
മഹത്വം വിളിച്ചോതി മാതാപിതാക്കൾ കൂട്ടായി
കൂട്ടുനഷ്ടപ്പെട്ട വേദന കടിച്ചമർത്തി
സ്വന്തം ചോര നഷ്ടപ്പെടൽ മനസ്സിലൊതുക്കി
മറ്റുള്ളവരുടെ മനസ്സിലും ഹൃത്തിലും
അമൂല്യ മാതൃക പകർന്ന ആലിൻ ഓർമ
അഭംഗുരം നിലനിർത്താൻ നവസാമൂഹ്യ മാതൃക
മാനവ മനഃസാക്ഷിയെ ചേർത്തു നിർത്തി
അവയവദാനം മഹത് ദാനം ആപ്തവാക്യം
ശിരസ്സാവഹിച്ച മാതാപിതാ
കുടുംബം ഒന്നാകെ ചേക്കേറുന്നത്
മലയാളക്കരയുടെ മനതാരിൽ
മിന്നും താരകമായി ഇടം പിടിച്ചീടും
മറക്കില്ല ആലിൻ മാനുഷരുള്ള കാലം
അവയവദാനത്തിൻ മഹത്തായ മാതൃക
തീർത്ത മാതാപിതാക്കളെ
വികാരവായ്പോടെ വിവേക പൂർവം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.